పవర్ స్టార్ పవన్ కళ్యాణ్ (Pawan Kalyan) ‘ఓజి’ (OG) సినిమా సెప్టెంబర్ 25న ప్రేక్షకుల ముందుకు వచ్చింది. ప్రీమియర్ షోలతోనే సూపర్ హిట్ టాక్ తెచ్చుకుంది. దర్శకుడు సుజిత్ పవన్ కళ్యాణ్ కల్ట్ ఫ్యాన్ అవ్వడంతో అభిమానులు అతన్ని ఎలా చూడాలనుకుంటున్నారో అలా చూపించి గూజ్ బంప్స్ తెప్పించాడు. డీవీవీ దానయ్య, కళ్యాణ్ దాసరి సంయుక్తంగా ‘ఓజి’ చిత్రాన్ని భారీ బడ్జెట్ తో నిర్మించారు.
ప్రీమియర్స్ తోనే సూపర్ హిట్ టాక్ తెచ్చుకున్న ఈ సినిమా మొదటి రోజు పవన్ కళ్యాణ్ కెరీర్ లో హైయెస్ట్ ఓపెనింగ్స్ సొంతం చేసుకుంది. కానీ 2వ రోజు టికెట్ రేట్లు ఎక్కువగా ఉండటం, నాన్ స్టాప్ గా వర్షాలు పడటంతో కలెక్షన్స్ డౌన్ అయ్యాయి. దసరా హాలిడేస్ ను బాగా క్యాష్ చేసుకుని కోలుకుంది. కానీ తర్వాత మళ్ళీ డౌన్ అయ్యింది. ఇప్పుడు 3వ వీకెండ్ పై గట్టి భారమే పడినట్టు అయ్యింది.
ఒకసారి 16 డేస్ కలెక్షన్స్ ను గమనిస్తే :
| నైజాం | 43.49 cr |
| సీడెడ్ | 18.92 cr |
| ఉత్తరాంధ్ర | 13.62 cr |
| ఈస్ట్ | 11.07 cr |
| వెస్ట్ | 8.21 cr |
| గుంటూరు | 9.52 cr |
| కృష్ణా | 8.76 cr |
| నెల్లూరు | 4.12 cr |
| ఏపీ+తెలంగాణ టోటల్ | 117.71 cr |
| రెస్ట్ ఆఫ్ ఇండియా | 14.97 cr |
| ఓవర్సీస్ | 32.20 cr |
| టోటల్ వరల్డ్ వైడ్ | 164.88 (షేర్) |
‘ఓజి’ (OG) చిత్రానికి రూ.173 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.174 కోట్ల షేర్ ను రాబట్టాల్సి ఉంది. 16 రోజులు పూర్తయ్యేసరికి ఈ చిత్రం రూ.164.88 కోట్ల షేర్ ను రాబట్టింది. గ్రాస్ పరంగా రూ.281.70 కోట్ల వరకు కలెక్ట్ చేసింది. బ్రేక్ ఈవెన్ కోసం మరో రూ.9.12 కోట్ల షేర్ ని కలెక్ట్ చేయాల్సి ఉంది. దసరా హాలిడేస్ వల్ల ‘ఓజి’ కి బాగానే కలిసొచ్చింది కానీ.. ‘కాంతార చాప్టర్ 1’ రేసులో ఉండటం వల్ల.. భారీగా క్యాష్ చేసుకునే అవకాశాన్ని మిస్ చేసుకుంది.ఇప్పుడు బ్రేక్ ఈవెన్ కావాలంటే శని, ఆది వారాల్లో గట్టిగా రాణించాలి.
