కేవలం యాంకర్ గానే కాకుండా వెండితెరపై మంచి నటిగా కూడా గుర్తింపు తెచ్చుకున్న వారిలో అనసూయ భరద్వాజ్ ఒకరు. ప్రస్తుతం తెలుగు టెలివిజన్ ప్రపంచంలో తనకంటూ తనకంటూ ఒక ప్రత్యేకమైన గుర్తింపును అందుకున్న అనసూయ ఒకవైపు యాంకర్ గానే కాకుండా మరొకవైపు మంచి నటిగా కూడా సినిమాలు చేసుకుంటూ బిజీగా మారుతోంది.. ఇటీవల పుష్ప సినిమాలో ఆమె చేసిన దాక్షాయని పాత్రకు ఏ స్థాయిలో గుర్తింపు లభించిందో ప్రత్యేకంగా చెప్పనవసరం లేదు.
అంతేకాకుండా పుష్ప రెండవ భాగంలో కూడా ఆమె పాత్ర నిడివి మరింత ఎక్కువగా ఉంటుంది అని దర్శకుడు సుకుమార్ ఇదివరకే తెలియజేశాడు. అంతేకాకుండా మరింత పవర్ఫుల్ గా కూడా ఉంటుంది అని చెప్పారు. సునీల్ తో ఆమె నటించిన పాత్ర విధానం చాలా డిఫరెంట్ గా అనిపించింది. ఏకంగా బ్లేడుతో గొంతుకోసే సీన్ అయితే అందరినీ ఆశ్చర్యానికి గురి చేసింది. ఇక మొదటి భాగంలోనే ఇలా ఉంది అంటే రెండవ భాగంలో ఇంకా ఏ స్థాయిలో ఉంటుందో అని అందరూ చర్చించుకుంటున్నారు.
అయితే సునీల్ అనసూయ భరద్వాజ్ ఇద్దరు కూడా మరొక సినిమాలో జంటగా నటించబోతున్నట్లు గా తెలుస్తోంది. ఒక కొత్త దర్శకుడు తెరకెక్కించబోయే ధ్వజము అనే సినిమాలో అనసూయ ఒక వైవిధ్యమైన నెగిటివ్ షేడ్స్ ఉన్న పాత్రలో కనిపించబోతున్నట్లు సమాచారం. పుష్ప తరహాలోనే సునీల్ కూడా ఆమెకు జోడీగా కనిపించబోతున్నట్లు తెలుస్తోంది. ఇద్దరు మరోసారి వెండితెరపై సరికొత్త ఎమోషన్స్ ను చూపించబోతున్న ట్లు టాక్. రంగస్థలం సినిమాలో రంగమ్మత్తగా కనిపించి ఆ సినిమా విజయంలో కీలక పాత్ర పోషించిన అనసూయ భరద్వాజ్ ఆ తర్వాత పలు సినిమాల్లో డిఫరెంట్ పాత్రలో కనిపించింది.
ఇక ఇప్పుడు అన్నిటి కంటే విభిన్నంగా పుష్ప సినిమా ద్వారా మంచి క్రేజ్ తెచ్చుకున్న అనసూయకు కృష్ణవంశీ రంగమార్తాండ సినిమా లో కూడా ప్రత్యేకమైన పాత్రలో కనిపించబోతున్నట్లు తెలుస్తోంది.. మరి ఈ సినిమాలతో అనసూయ రేంజ్ ఇంకా ఏ స్థాయికి పెరుగుతుందో చూడాలి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
