మరో మారు ఎన్టీఆర్ గొప్ప మనసు బయట పడింది!

యంగ్ టైగర్ ఎన్టీఆర్ లో మంచి నటుడు మాత్రమే కాదు.. మంచి మనిషి కూడా ఉన్నాడు. తన అభిమానులకు ఏ మాత్రం కష్టమొచ్చినా ఇట్టే స్పందిస్తుంటారు. కష్టాల్లో ఉన్నవారికి తనవంతు సహాయాన్ని అందిస్తుంటారు. బయటికి కనపడకుండా ఆయన ఎంతోమందికి సహాయం చేసి తన గొప్ప మనసును చాటుకున్నారు. మరో మారు ఎన్టీఆర్ మంచి మనసు బయటపడింది. తానా వారు వేడుకకు ఎన్టీఆర్ ని ఆహ్వానించారు.  సీనియర్ ఎన్టీఆర్ పేరుతో వున్న అవార్డును అందుకోవాలని పిలిచారు. అలాగే ఎన్టీఆర్ గౌరవార్థం ఏర్పాటు చేసిన ఎగ్జిబిషన్ ను ప్రారంభించాలని కోరారు.

కోరిన వెంటనే ఒప్పుకోవడమే కాదు అన్నయ్య కల్యాణ్ రామ్ తో కలిసి ఎన్టీఆర్ అమెరికా వెళ్లారు. సెయింట్ లూయిస్ నగరంలో నిన్న ప్రారంభమైన వేడుకలో పాల్గొన్నారు. రేపటితో ఈ సభలు ముగుస్తాయి. అయితే ఈ కార్యక్రమాలకు వచ్చే అతిథుల ప్రయాణ, వసతులను తానా నిర్వాహకులే భరిస్తుంటారు. అయితే ఎన్టీఆర్ మాత్రం తన ఖర్చులకు రూపాయి కూడా ఖర్చు చేయవద్దని నిర్వాహకులకు చెప్పారంట. తనకోసం ఎంత అయితే వెచ్చించాలనుకున్నారో ఆ మొత్తాన్ని పేద పిల్లల చదువుకోసం డొనేట్ చేయమని కోరినట్లు తెలిసింది. అందుకు నిర్వాహకులు సంతోషంగా ఒప్పుకున్నారు. ఇది తెలిసి అక్కడి వారు ఎన్టీఆర్ ని అభినందనలతో ముంచెత్తుతున్నారు.

Also, do SUBSCRIBE to our YouTube channel to get latest Tollywood updates.