Prabhas: బాహుబలి కాంబో రిపీట్.. ఫ్యాన్స్ కు పండగే..?

స్టార్ డైరెక్టర్ రాజమౌళి డైరెక్షన్ లో నటించడానికి టాలీవుడ్ స్టార్ హీరోలతో పాటు ఇతర ఇండస్ట్రీల స్టార్ హీరోలు సైతం ఆసక్తి చూపుతున్న సంగతి తెలిసిందే. ప్రస్తుతం చరణ్, తారక్ లతో సినిమాను తెరకెక్కిస్తున్న రాజమౌళి మహేష్ తో తరువాత ప్రాజెక్ట్ ను తెరకెక్కించనున్నారు. అయితే మహేష్ సినిమా తరువాత రాజమౌళి ప్రభాస్ తో సినిమాను తెరకెక్కించనున్నారని సమాచారం. బాహుబలి కాంబినేషన్ త్వరలో రిపీట్ కానుందని తెలుస్తోంది. ఇప్పటికే ప్రభాస్, రాజమౌళి కాంబినేషన్ లో ఛత్రపతి, బాహుబలి, బాహుబలి2 సినిమాలు తెరకెక్కాయి.

ఈ సినిమాలు ఒక సినిమాను మించి మరొకటి హిట్ అయ్యాయి. బాహుబలి2 సినిమా క్రియేట్ చేసిన కలెక్షన్ల రికార్డులు ఆర్ఆర్ఆర్ తో బ్రేక్ అవుతాయని చరణ్, తారక్ ఫ్యాన్స్ భావిస్తున్నారు. ప్రభాస్ తో రాజమౌళి మరో సినిమాను తెరకెక్కిస్తున్నట్టు బాలీవుడ్ మీడియాలో కథనాలు వస్తుండటం గమనార్హం. బాహుబలి 2 తర్వాత ప్రభాస్, రాజమౌళిలకు వేర్వేరుగా మార్కెట్ భారీగా పెరిగింది. ఈ కాంబినేషన్ లో మరో సినిమా తెరకెక్కితే మాత్రం ఆకాశమే హద్దుగా అంచనాలు ఏర్పడే అవకాశం ఉంది.

రాజమౌళి లేదా ప్రభాస్ స్పందిస్తే మాత్రమే ఈ వార్తలో నిజానిజాలు తెలుస్తాయి. ఈ కాంబినేషన్ లో సినిమా వస్తే మాత్రం ప్రభాస్ ఫ్యాన్స్ ఆనందానికి అవధులు ఉండవనే చెప్పాలి. ప్రభాస్ వరుస పాన్ ఇండియా ప్రాజెక్ట్ లతో బిజీగా ఉండగా రాజమౌళి మాత్రం ఆర్ఆర్ఆర్ సినిమాకే పరిమితమయ్యారు. ప్రస్తుతం ప్రభాస్ రాధేశ్యామ్, సలార్, ఆదిపురుష్ సినిమాలలో నటిస్తున్నారు.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!