సమంత తాజా చిత్రం ‘ఓ బేబీ’ సక్సెస్ ఫుల్ గా రన్ అవుతుంది. నందినీ రెడ్డి డైరెక్షన్లో వచ్చిన ఈ చిత్రం వీక్ డేస్ లో కూడా మంచి కల్లెక్షన్లని రాబడుతుంది. ఈ చిత్రంలో సమంత నటన అద్భుతమంటూ ప్రశంసలు కురుస్తున్నాయి. ఆ క్రెడిట్ అంతా దర్శకురాలు నందినీ రెడ్డికే చెందుతుందంటూ ఆమెని ఆకాశానికి ఎత్తేస్తుంది సమంత. ఇదిలా ఉంటే వీరిద్దరికీ ఇది రెండవ చిత్రం. గతంలో సమంత, నందినీ రెడ్డి కాంబినేషన్లో ‘జబర్దస్త్’ అనే చిత్రం వచ్చింది. అయితే ఆ చిత్రం డిజాస్టర్ అయ్యింది. దాంతో చాలా సంవత్సరాల గ్యాప్ తర్వాత ‘ఓ బేబీ’ తో హిట్టు కొట్టారు. ఇద్దరి మధ్య మంచి స్నేహం కూడా ఉంది. దీంతో మరోసారి కలిసి పనిచేయడానికి రెడీ అవుతున్నారట.
ఇప్పటికే ‘ఓ బేబీ’ చిత్రానికి సీక్వెల్ తీస్తున్నారు అంటూ వార్తలు మొదలైపోయాయి. అయితే ఆ విషయం పై క్లారిటీ రాలేదు. కానీ ‘ఓ బేబీ’ షూటింగ్ సమయంలోనే సమంతకు ఓ కథ వినిపించిందట నందినీ రెడ్డి. ఆ కథ నచ్చడంతో తప్పకుండా చేద్దాం అని సమంత కూడా మాటిచ్చేసిందట. ఎలాగూ ఇప్పుడు ‘ఓ బేబీ’ కూడా మంచి హిట్టైంది కాబట్టి… ఈ కాంబినేషన్ పై క్రేజ్ ఏర్పడింది. దీంతో తమ నెక్స్ట్ ప్రాజెక్ట్ కూడా అనౌన్స్ చేయాలనే వీరిద్దరూ ఉన్నారట. మరి ఆ ప్రాజెక్ట్ కు సంబందించిన పూర్తి వివరాలు ఎప్పుడు ప్రకటిస్తారో చూడాలి..!
