Tollywood: పవన్.. టు నాగ చైతన్య.. పోలీస్ పాత్రల్లో అలరించడానికి రెడీ అయిన హీరోలు..!

పోలీస్ కథలకు ఇప్పటికీ టాలీవుడ్లో మంచి డిమాండ్ ఉంది. పోలీస్ కథలన్నీ ఒకేలా ఉంటాయని కొంతమంది కంప్లైంట్ చేసిన సందర్భాలు కూడా ఉన్నాయి. ‘హీరో పోలీస్ గా ఓ ఊరికి ట్రాన్స్ఫర్ అవ్వడం. అటు తర్వాత అక్కడ తోపు అయిన విలన్ తో పెట్టుకోవడం. జనాల కోసం సిస్టం కోసం అతనితో ఫైట్ చేయడం. ఈ క్రమంలో విలన్ .. హీరో పై పగబెట్టుకుని అతని ఫ్యామిలీని టార్గెట్ చేయడం. క్లైమాక్స్ లో విలన్ ను హీరో మాస్ డైలాగులు చెప్పి వధించడం లేదా శిక్ష వేయించడం’.. నిజానికి పోలీస్ కథలు ఇలానే ఉంటాయి.

అయినా సరే ఆ కథలకు మాస్ ఆడియన్స్ లో ఎప్పటికీ మంచి డిమాండ్ ఉంటుంది. పోలీస్ పాత్రలో ఒక్కసారైనా నటించాలి అనుకోని హీరో అంటూ ఉండడు అనడంలో అతిశయోక్తి లేదు. ఇప్పుడు కూడా కొంతమంది హీరోలు పోలీస్ పాత్రల్లో సినిమాలు చేస్తున్నారు. ఈ ఏడాది ఆల్రెడీ ‘వాల్తేరు వీరయ్య’ లో రవితేజ, ‘మీటర్’ లో కిరణ్ అబ్బవరం, ‘హంట్’ లో సుధీర్ బాబు వంటి హీరోలు పోలీస్ పాత్రల్లో కనిపించారు. త్వరలోనే మరికొంతమంది హీరోలు ఖాకీ డ్రెస్ తొడగనున్నారు. వాళ్ళు ఎవరో ఓ లుక్కేద్దాం రండి :

1) పవన్ కళ్యాణ్ :

‘కొమరం పులి’ ‘గబ్బర్ సింగ్’ ‘భీమ్లా నాయక్’ వంటి సినిమాల్లో పోలీస్ గా కనిపించాడు పవన్ కళ్యాణ్. ప్రస్తుతం హరీష్ శంకర్ దర్శకత్వంలో రూపొందుతున్న ‘ఉస్తాద్ భగత్ సింగ్’ లో కూడా పోలీస్ పాత్రలో కనిపించబోతున్నాడు.

2) వెంకటేష్ :

‘ఘర్షణ’ ‘బాబు బంగారం’ వంటి సినిమాల్లో పోలీస్ గా కనిపించి మెప్పించిన వెంకటేష్..’సైంధవ్’ లో కూడా పోలీస్ గా కనిపించబోతున్నాడు. ‘హిట్’ దర్శకుడు శైలేష్ కొలను ఈ చిత్రానికి దర్శకుడు.

3) నాని :

‘హిట్3’ లో నాని .. అర్జున్ సర్కార్ అనే పోలీస్ ఆఫీసర్ పాత్రలో కనిపించబోతున్నాడు.

4) అల్లరి నరేష్ :

‘కితకితలు’ ‘బ్లేడ్ బాబ్జి’ ‘సుడిగాడు’ వంటి చిత్రాల్లో కామెడీ పోలీస్ గా కనిపించిన అల్లరి నరేష్.. ‘ఉగ్రం’ అనే సినిమాలో సీరియస్ కాప్ గా కనిపించబోతున్నాడు.

5) నాగ చైతన్య :

‘సాహసం శ్వాసగా సాగిపో’ సినిమాలో కొద్దిసేపు పోలీస్ గా కనిపించిన నాగ చైతన్య.. ‘కస్టడీ’ సినిమాలో పవర్ ఫుల్ పోలీస్ ఆఫీసర్ గా కనిపించబోతున్నాడు.

రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!

ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!