Hari Hara Veera Mallu: ‘హరి హర వీరమల్లు’ నుండి మరో నటుడు అవుట్‌.. ఈసారి కీలకమే!

మహేష్‌బాబుకు ‘గుంటూరు కారం’ ఎలాగో, పవన్‌ కల్యాణ్‌కి ‘హరి హర వీరమల్లు’ అలాగా. ఇదేంటి ఈ రెండు సినిమాలకు అస్సలు పోలిక లేదు. నేపథ్యం, కథ.. ఇలా ఏది చూసినా రెండూ సరిపోలవు కానీ.. ఈ రెండు సినిమాల్ని ఎందుకు పోలుస్తున్నారు అనే డౌట్‌ రావొచ్చు. అయితే ఆ పోలికలు లేవు కానీ.. ఈ రెండు సినిమాల షూటింగ్‌ విధానంలో మాత్రం పోలిక ఉంది. ఇదిగో, అదిగో అంటూ షూటింగ్‌ వాయిదా పడుతూ ఉంది.

తాజాగా మరో విషయంలో ఈ రెండు సినిమాలు ఒకేలా అనిపిస్తున్నాయి. ‘గుంటూరు కారం’ సంగతి పక్కనపెడితే ‘హరి హర వీరమల్లు’ సినిమా నుండి మరో సీనియర్‌ నటుడు బయటకు వచ్చేశారు అని అంటున్నారు. ఎందుకు, ఏమిటి, ఎవరు అనే విషయాలు తెలియవు కానీ.. ఓ సీనియర్‌ నటుడు అయితే సినిమా నుండి బయటకు వెళ్లిపోయారు అంటున్నారు. చాలా రోజులుగా అడిగినప్పుడల్లా డేట్స్‌ అడ్జెస్ట్‌ చేస్తూ వచ్చిన ఆ నటుడు ఇక ఓపిక లేక బయటకు వెళ్లిపోయారని చెబుతున్నారు.

ఇప్పటికే ఈ సినిమా (Hari Hara Veera Mallu) నుండి కొంతమంది నటులు వెళ్లిపోయారు. అయితే వాళ్లు సినిమా షూటింగ్‌ పార్ట్‌ మొదలుకాకుండానే వెళ్లిపోయారు. ఈయన అయితే కొన్ని రోజులు షూటింగ్‌ అయ్యాక వెళ్లారు. వెళ్లిందెవరు అనేది తెలియకపోయినా, కొత్త నటుడు ఎవరు అనే విషయం త్వరలోనే బయటకు వస్తుంది. దాని బట్టి వెళ్లింది ఎవరు అనేది చెప్పేయొచ్చు అంటున్నారు. అన్నట్లు ఆ మధ్య దర్శకుడు క్రిష్‌ కూడా సినిమా నుండి వెళ్లిపోతారు అని వార్తలొచ్చాయి. కానీ ఆ తర్వాత సప్పుడు లేదు.

ఇక ఈ సినిమా సంగతికొస్తే.. చాలా నెలల క్రితమే మొదలైన ఈ సినిమా ఆగుతూ ఆగుతూ చిత్రీకరణ జరుపుకుంటూ వస్తోంది. అయితే ఇటీవల కాలంలో పవన్‌ మిగిలిన సినిమాలకు డేట్స్‌ ఇస్తున్నాడు తప్ప ఈ సినిమాకు ఇవ్వడం లేదు. ‘ఓజీ’ 50 శాతం పూర్తవ్వగా, ‘బ్రో’ సినిమా పూర్తయిపోయింది. ‘ఉస్తాద్‌ భగత్‌ సింగ్‌’ కూడా షెడ్యూల్‌ పూర్తి చేసుకుంది. దీంతో ‘హరి హర వీరమల్లు’ షూటింగ్‌ అవ్వడం లేదు.

అశ్విన్స్ సినిమా రివ్యూ & రేటింగ్!

ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!