టాలీవుడ్ ఇండస్ట్రీలో అత్యంత భారీ బడ్జెట్ తో తెరకెక్కి సంచలన విజయాన్ని సొంతం చేసుకున్న సినిమాలలో ఆర్ఆర్ఆర్ మూవీ ఒకటనే సంగతి తెలిసిందే. ఆర్ఆర్ఆర్ మూవీ విడుదలై ఇప్పటికే దాదాపుగా 80 రోజులైనా బాక్సాఫీస్ వద్ద ఈ సినిమా రికార్డులు కొనసాగుతున్నాయి. తాజాగా ఈ సినిమా యూఎస్ లో అరుదైన ఘనతను సొంతం చేసుకుంది. యూఎస్ లోని అతి పెద్ద పబ్లికేషన్స్ లో యూఎస్ఏ టుడే ఒకటి కాగా యూఎస్ఏ టుడే ఈ ఏడాది రిలీజైన సినిమాలలో ఆర్ఆర్ఆర్ ను నంబర్ 1 స్థానంలో ప్రచురించింది.
జాబితాలో ఎన్నో హాలీవుడ్ సినిమాలు ఉన్నా ఆ సినిమాలను కాదని యూఎస్ఏ టుడే ఈ సినిమాను ప్రచురించడం గమనార్హం. ఆర్ఆర్ఆర్ చిత్ర యూనిట్ ఈ విషయాన్ని సోషల్ మీడియా వేదికగా షేర్ చేయడంతో ఈ విషయం వెలుగులోకి వచ్చింది. ఆర్ఆర్ఆర్ యూనిట్ ప్రౌడ్ మూమెంట్ అంటూ ఈ విషయాన్ని పంచుకోవడం గమనార్హం. ఆర్ఆర్ఆర్ యూనిట్ ట్వీట్ కు 2300కు పైగా లైక్స్ వచ్చాయి. ఆర్ఆర్ఆర్ మూవీ ఫుల్ రన్ లో 600 కోట్ల రూపాయలకు పైగా షేర్ కలెక్షన్లను సాధించింది.
తెలుగు రాష్ట్రాల్లో కలెక్షన్ల లెక్కల ప్రకారం ఈ సినిమా ఇండస్ట్రీ హిట్ గా నిలిచింది. ఆర్ఆర్ఆర్ రాబోయే రోజుల్లో మరెన్ని రికార్డులను క్రియేట్ చేస్తుందో చూడాలి. ఈ సినిమా ద్వారా చరణ్, జూనియర్ ఎన్టీఆర్ రేంజ్ ఊహించని స్థాయిలో పెరిగింది. ఈ ఇద్దరు హీరోల భవిష్యత్తు ప్రాజెక్ట్ లు భారీ బడ్జెట్ తో తెరకెక్కుతున్నాయి.
ఈ హీరోల సినిమాలు పాన్ ఇండియా ప్రాజెక్ట్ లుగా తెరకెక్కుతుండగా బాక్సాఫీస్ వద్ద ఈ సినిమాలు ఎలాంటి ఫలితాలను అందుకుంటాయో చూడాల్సి ఉంది. ఎన్టీఆర్ కొరటాల శివ డైరెక్షన్ లో, చరణ్ శంకర్ డైరెక్షన్ లో నటిస్తుండగా ఈ రెండు ప్రాజెక్ట్ లపై మంచి అంచనాలు నెలకొన్నాయి. ఈ సినిమాలు బాక్సాఫీస్ వద్ద ఎలాంటి ఫలితాలను అందుకుంటాయో చూడాల్సి ఉంది.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home