పవన్, ఎన్టీఆర్ లు నా అభిమాన హీరోలు

గుజరాతీ ముద్దుగుమ్మ నికిషా పటేల్ వెండితెర ఎంట్రీ పవర్ స్టార్ పవన్ కళ్యాణ్ సినిమాతో జరిగింది. కొమురం పులి చిత్రం ద్వారా నికిషా అడుగుపెట్టింది. ఆ తర్వాత తెలుగుతో పాటు, తమిళ, కన్నడ భాషల్లో సినిమాలు చేసింది. ఆమె సినిమాలు సూపర్ హిట్ కాకపోయినా తన అందాలతో యువతలో మంచి ఫాలోయింగ్ సంపాదించుకుంది. రీసెంట్ గా ట్విట్టర్ పేజీలో తన అభిమానులతో లైవ్ చాట్ నిర్వహించింది. ఇందులో ఓ అభిమాని టాలీవుడ్ హీరోలలో బెస్ట్ హీరో ఎవరని ప్రశ్నించగా, ఆలస్యం లేకుండా సమాధానం ఇచ్చింది.

“నా అభిమాన హీరోలు పవన్‌కళ్యాణ్, జూనియర్ ఎన్టీఆర్” అంటూ చెప్పింది. పవన్ సినిమాతో టాప్ హీరోయిన్ అయిపోదామని రెండేళ్లు కష్టపడినా నికిషా ఆ చిత్రం నిరాశని మిగిల్చింది. అయినా పవన్ తన అభిమాన హీరో అని చెప్పి అవాక్కయ్యేలా చేసింది. ఇంకా మహేష్, అల్లు అర్జున్‌ల గురించి చెప్పమని అభిమానులు కోరగా.. “మహేష్ క్యూట్, అల్లు అర్జున్ బెస్ట్ డ్యాన్సర్” అని రిప్లై ఇచ్చింది.