పవర్ స్టార్ పవన్ కళ్యాణ్ వకీల్ సాబ్, భీమ్లా నాయక్ సినిమాలతో రెండు విజయాలను ఖాతాలో వేసుకున్నారు. డిస్నీ ప్లస్ హాట్ స్టార్, ఆహాలో ఈ నెల 25వ తేదీ నుంచి భీమ్లా నాయక్ సినిమా స్ట్రీమింగ్ కానుంది. ఓటీటీలో భీమ్లా నాయక్ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఏపీలో టికెట్ రేట్ల తగ్గింపు వల్ల భీమ్లా నాయక్ కు కొంతమేర నష్టాలు వచ్చినా పవన్ కళ్యాణ్ అభిమానులకు మాత్రం ఈ సినిమా విపరీతంగా నచ్చేసింది.
అయితే పవన్ కళ్యాణ్ తాజాగా మరో యంగ్ డైరెక్టర్ కు గ్రీన్ సిగ్నల్ ఇచ్చారని తెలుస్తోంది. స్వామిరారా సినిమాతో దర్శకుడిగా కెరీర్ ను మొదలుపెట్టి మంచి పేరు సంపాదించుకున్న సుధీర్ వర్మ ఆ సినిమా తర్వాత దోచేయ్, కేశవ, కిరాక్ పార్టీ, రణరంగం సినిమాలకు దర్శకత్వం వహించారు. అయితే ఈ సినిమాలేవీ మరీ బ్లాక్ బస్టర్ హిట్లు కాలేదు. అయితే సుధీర్ వర్మకు మాత్రం వరుసగా సినిమా ఆఫర్లు వస్తూనే ఉన్నాయి.
ప్రస్తుతం హీరో రవితేజతో సుధీర్ వర్మ రావణాసుర సినిమాను తెరకెక్కిస్తున్నారు. ఈ సినిమాపై బాగానే అంచనాలు నెలకొన్నాయి. ఈ సినిమా తర్వాత పవర్ స్టార్ పవన్ కళ్యాణ్ సుధీర్ వర్మ కాంబినేషన్ లో సినిమా తెరకెక్కనుందని తెలుస్తోంది. వినోదాయ సిత్తం రీమేక్ కోసం సుధీర్ వర్మ పేరును మేకర్స్ పరిశీలిస్తున్నారని సమాచారం అందుతోంది. త్వరలో ఈ సినిమాకు సంబంధించి అధికారిక ప్రకటన వెలువడనుంది. వినోదాయ సిత్తం రీమేక్ లో సముద్రఖని పోషించిన పాత్రలో పవన్ కళ్యాణ్ నటించనుండగా ఈ సినిమాలో మరో పాత్రలో సాయితేజ్ నటించనున్నారు.
సోషియో ఫాంటసీ మూవీగా ఈ సినిమా తెరకెక్కనుంది. రీఎంట్రీలో పవర్ స్టార్ పవన్ కళ్యాణ్ వరుస సినిమాలతో బిజీగా ఉండటం గమనార్హం. పవన్ కళ్యాణ్ కెరీర్ ను చక్కగా ప్లాన్ చేసుకుంటున్నారని ఫ్యాన్స్ కామెంట్లు చేస్తున్నారు. సుధీర్ వర్మ నిఖిల్ తో స్వామిరారా, కేశవ సినిమాలను తెరకెక్కించారు.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home