Pawan Kalyan: పవన్ అప్పుడే అర్జున్ రెడ్డిలా మారారా..?

సందీప్ రెడ్డి వంగా డైరెక్షన్ లో విజయ్ దేవరకొండ హీరోగా తెరకెక్కిన అర్జున్ రెడ్డి సినిమా బాక్సాఫీస్ దగ్గర బ్లాక్ బస్టర్ హిట్ గా నిలిచిన సంగతి తెలిసిందే. విజయ్ దేవరకొండకు ఈ సినిమా సక్సెస్ వల్లే యూత్ లో ఊహించని స్థాయిలో ఫ్యాన్ ఫాలోయింగ్ పెరిగింది. 2017 సంవత్సరంలో రిలీజైన అర్జున్ రెడ్డి బోల్డ్ మూవీ అయినప్పటికీ బాక్సాఫీస్ ను షేక్ చేయడం గమనార్హం. అయితే పవన్ కళ్యాణ్ పాత ఫోటో ఒకటి అర్జున్ రెడ్డిని పోలి ఉందని ఫ్యాన్స్ సోషల్ మీడియాలో తెగ వైరల్ చేస్తున్నారు.

అర్జున్ రెడ్డి మూవీ రిలీజ్ సమయంలో సినిమాను వివాదాలు చుట్టుముట్టడంతో పాటు ఈ సినిమా గురించి విమర్శలు వచ్చాయి. అయితే సినిమా రిలీజైన తర్వాత చాలామంది ఈ మూవీ విషయంలో అభిప్రాయాలను మార్చుకున్నారు. కేవలం 4 కోట్ల రూపాయల బడ్జెట్ తో తెరకెక్కిన అర్జున్ రెడ్డి 30 కోట్ల రూపాయలకు పైగా కలెక్షన్లను సాధించింది. గెడ్డంతో ఉన్న విజయ్ దేవరకొండ అభిమానులకు బాగా నచ్చేశాడు. అయితే పవన్ ఫ్యాన్స్ విజయ్ దేవరకొండ అర్జున్ రెడ్డి గెటప్ ను పవన్ ఫోటోను పక్కపక్కనే పెట్టి తెగ వైరల్ చేస్తుండటం గమనార్హం.

పవన్ కెరీర్ తొలినాళ్లలో ఎంతో కష్టపడి స్టార్ హీరో స్టేటస్ ను సొంతం చేసుకున్నారు. పవన్ తనకంటూ ప్రత్యేకమైన బాడీ లాంగ్వేజ్ ను సెట్ చేసుకున్నారు. టాలీవుడ్ యంగ్ హీరోలు చాలా విషయాల్లో పవన్ కళ్యాణ్ ను ఫాలో అవుతున్న సంగతి తెలిసిందే. పవన్ ప్రస్తుతం అయ్యప్పనుమ్ కోషియమ్, హరిహర వీరమల్లు సినిమాలలో నటిస్తున్నారు. ఈ సినిమాలతో పాటు పవన్ హరీష్ శంకర్ డైరెక్షన్ లో ఒక సినిమాలో నటిస్తున్న సంగతి తెలిసిందే. త్వరలో ఈ సినిమా షూటింగ్ మొదలు కానుంది. అర్జున్ రెడ్డి లుక్కులో ఉన్న పవన్ ను చూసి పవన్ ఫ్యాన్స్ లో కొంతమంది షాకవుతున్నారు.

Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?