కేవలం సినిమాలు మాత్రమే చేస్తున్న హీరోల సినిమాలే ఎప్పుడు పూర్తవుతాయో తెలియక అభిమానులు లెక్కలేస్తున్న రోజులివి. ఇదిగో సినిమా మొదలైంది, అదిగో సినిమా అవుతోంది, అదిగదిగో ఆ రోజే రిలీజ్ అని సినిమా టీమ్‌లు చెబుతున్నా అనుకున్న సమయానికి కావడం లేదు. అలాంటి రాజకీయం, సినిమాలు అంటూ రెండు పడవల ప్రయాణం చేస్తున్న పవన్‌ కల్యాణ్‌ పరిస్థితి ఎలా ఉంటుందో చెప్పండి. ఇదిగో అచ్చంగా ఇలానే ఉంటుంది. ఇప్పుడేమైంది వరుస షూటింగ్‌లు చేస్తున్నాడు కదా అంటారా?
అవును, మీరు చెప్పింది నిజమే. అయితే ఇప్పుడు పరిస్థితి మళ్లీ మారిపోయింది. మొన్నామధ్య వారాహి యాత్రల విడదతలు ముగించుకుని పూర్తిగా సినిమాల మీద దృష్టి పెట్టాడు పవన్‌. దీంతో సినిమాలు త్వరగా అయిపోయి రిలీజ్ అయిపోవాలనే ఆలోచనలో ఉన్నాడు అంటూ అభిమానులు అంచనాలు వేసుకున్నారు. తీరా ఇప్పుడు చూస్తే మళ్లీ సినిమాల పడవ ప్రయాణానికి బ్రేకులు పడుతున్నాయి. స్కిల్‌ డెవలప్‌మెంట్‌ కేసులో జైలుకెళ్లి బెయిలు మీద బయటికొచ్చిన చంద్రబాబుతో పవన్‌ వరుస భేటీలు అవుతున్నారు.
వరుణ్‌ తేజ్‌ – లావణ్య పెళ్లి కోసమని ఇటలీ వెళ్లి వచ్చిన పవన్‌.. ఇప్పుడు రాజకీయ మీటింగ్‌లతో బిజీగా ఉన్నాడు. ఇటు తెలంగాణలో బీజేపీతో కలసి పవన్‌ కొన్ని స్థానాల్లో పోటీ చేస్తాడు. దాని కోసం ప్రచారం చేయాల్సి వస్తుంది. దీంతో రాజకీయ పడవ ప్రయాణం జోరు పెరుగుతోంది. ఈ నేపథ్యంలో సినిమాల సంగతి ఏంటి అనే చర్చ మరోసారి బయటకు వచ్చింది. పవన్‌ లైనప్‌లో ఇప్పుడు మూడు సినిమాలు ఉన్నాయి. అందులో రెండు యాక్టివ్‌గా ఉండగా… ఒకటి నిద్రాణంలో ఉంది.
ఎప్పుడో మొదలైన ‘హరి హర వీరమల్లు’ సినిమా ఎప్పుడు రీస్టార్ట్‌ అవుతుందో తెలియదు. ఇక హరీశ్‌ శంకర్‌ ‘ఉస్తాద్‌ భగత్‌ సింగ్‌’, సుజీత్‌ ‘ఓజీ’ సెట్స్‌ మీదే ఉన్నాయి. ఇటీవల వరుస డేట్స్‌ ఇవ్వడంతో ఈ సినిమాల ఊపు పెరిగింది. కానీ ఇప్పుడు చూస్తే మళ్లీ షూటింగ్‌లకే బ్రేక్‌లు పడ్డాయి. దీంతో ఇలా అయితే ఎలా (Pawan Kalyan) పవన్‌ సాబ్‌ అని ఫ్యాన్స్‌ అడుగుతున్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home