Pawan Kalyan Remuneration: ఆ రీమేక్ కోసం పవన్ అన్ని కోట్లు తీసుకున్నారా?

March 2, 2022 / 06:51 PM ISTByFilmy Focus

Join Us

Pawan Kalyan Remuneration: ఆ రీమేక్ కోసం పవన్ అన్ని కోట్లు తీసుకున్నారా?

పవర్ స్టార్ పవన్ కళ్యాణ్ ఒకవైపు సినిమాలతో మరోవైపు రాజకీయాలతో బిజీగా ఉంటూ రెండింటికీ సమానంగా ప్రాధాన్యత ఇస్తున్న సంగతి తెలిసిందే. రీఎంట్రీలో పవన్ కళ్యాణ్ ఎక్కువగా రీమేక్ సినిమాలకు గ్రీన్ సిగ్నల్ ఇస్తున్నారు. రీమేక్ సినిమాలతో రిస్క్ తక్కువ కావడంతో పాటు వేగంగా సినిమాలు పూర్తయ్యే ఛాన్స్ ఉండటంతో పవన్ ఒకవైపు స్ట్రెయిట్ కథలలో నటిస్తూనే మరోవైపు రీమేక్ లకు కూడా ఓకే చెబుతున్నారు. తమిళంలో బ్లాక్ బస్టర్ హిట్ గా నిలిచిన వినోదాయ సితం రీమేక్ లో నటించడానికి పవన్ ఆసక్తి చూపిస్తున్న సంగతి తెలిసిందే.

తమిళంలో సముద్రఖని డైరెక్షన్ లో ఈ సినిమా తెరకెక్కగా ప్రస్తుతం ఈ సినిమా కథను దర్శకుడు త్రివిక్రమ్ శ్రీనివాస్ తెలుగు నేటివిటీకి అనుగుణంగా మార్పులు చేసే పనులతో బిజీగా ఉన్నారని సమాచారం అందుతోంది. ఈ సినిమా కోసం పవన్ కేవలం 20 రోజులు డేట్స్ ఇవ్వనున్నారని తెలుస్తోంది. ఈ సినిమా కోసం పవన్ రెమ్యునరేషన్ గా 50 కోట్ల రూపాయలు తీసుకుంటున్నారని తెలుస్తోంది. పవన్ కేవలం 20 రోజుల డేట్లు మాత్రమే కేటాయిస్తున్న నేపథ్యంలో రోజుకు రెండున్నర కోట్ల రూపాయల చొప్పున పవన్ కు పారితోషికం దక్కనుంది.

పవన్ సాయితేజ్ కాంబినేషన్ లో ఈ సినిమా తెరకెక్కనుంది. సాయితేజ్ ఈ సినిమాలో మరో హీరోగా నటిస్తుండగా పవన్ డేట్స్ ఎక్కువగా అవసరం లేదని బోగట్టా. సముద్రఖని ఈ సినిమాకు దర్శకత్వం వహిస్తారని ప్రచారం జరుగుతోంది. ఈ నెల 25వ తేదీన ఈ సినిమా పూజా కార్యక్రమాలు జరగనున్నాయని సమాచారం అందుతోంది. రీఎంట్రీలో వేగంగా సినిమాలలో నటిస్తున్న పవన్ వచ్చే నెల నుంచి ఈ సినిమా షూటింగ్ లో పాల్గొనే ఛాన్స్ ఉందని తెలుస్తోంది. పవన్ కు ప్రేక్షకుల్లో భారీగా క్రేజ్ ఉండటంతో పవన్ అడిగినంత రెమ్యునరేషన్ ఇవ్వడానికి నిర్మాతలు సిద్ధపడుతున్నారు.