పవర్ స్టార్ పవన్ కళ్యాణ్ రీ ఎంట్రీ కి సమయం దగ్గిర పడిందా…? ఆయన త్వరలోనే మేకప్ వేసుకుంటున్నారా..? అంటే అవుననే సమాధానం వస్తుంది. ఆయన హిందీ సూపర్ హిట్ మూవీ పింక్ తెలుగు రిమేక్ నందు నటించనున్నారన్న విషయం తెలిసిందే. టాలీవుడ్ స్టార్ ప్రొడ్యూసర్ దిల్ రాజు ఈ చిత్రాన్ని నిర్మిస్తుండగా దర్శకుడు వేణు శ్రీరామ్ తెరకెక్కిస్తున్నారు. కాగా ఈ చిత్ర రెగ్యులర్ షూటింగ్ కి ఏర్పాట్లు చేస్తున్నారట.ఈ నెల 20నుండి పింక్ రిమేక్ సెట్స్ పైకి వెళ్లనుందని సమాచారం. అతి తక్కువ కాల్ షీట్స్ ఈ చిత్రానికి పవన్ కేటాయించారట. దీనితో మొదట పవన్ పై వచ్చే సన్నివేశాల చిత్రీకరణ జరుపుతారట. ఆ తరువాత మిగతా నటులపై వచ్చే సన్నివేశాలు నెమ్మదిగా షూటింగ్ చేస్తారని వినికిడి. కాబట్టి జస్ట్ మరో వారం పది రోజులలో పవన్ ఈ చిత్రం గురించి నోరు విప్పే అవకాశం కలదు.
పవన్ మొన్నటి వరకు అమరావతి ప్రాంతంలో సంచరించి.. అక్కడి రైతుల పక్షాన నిలబడ్డాడు. క్రమంగా అమరావతి ఉద్యమం బలహీనపడుతుంది. ఈ క్రమంలో పవన్ ఆ విషయంపై గట్టిగా మాట్లాడటం అనవసరం అనుకుంటున్నారు. అలాగే ఒక ప్రాంత ప్రజలకు మద్దతు పలకడం వలన ప్రధానమైన రెండు ప్రాంతాల ప్రజల దృష్టిలో చెడ్డవారిగా మిగలాల్సివస్తుంది.అలాగే దర్శకుడు క్రిస్ నిర్మించనున్న మొఘలుల కాలం నాటి పీరియాడిక్ మూవీ చిత్రీకరణ కూడా మరో రెండు నెలలలో మొదలయ్యే అవకాశం కలదు. గతంలో పవన్ కమిట్ అయిన నిర్మాతలతో వరుస చిత్రాలు చేస్తారని వినికిడి. ఈ వార్తలు పవన్ అభిమానులలో జోష్ నింపుతున్నాయి. జయాపజయాలతో సంబంధం లేకుండా ఆయన స్క్రీన్ పై కనిపిస్తే చాలు అనుకునే హార్డ్ కోర్ ఫ్యాన్స్ ఉన్న పవన్ స్క్రీన్ పై కనిపించి రెండేళ్లు అవుతుంది. సరిగ్గా రెండేళ్ల క్రితం 2018లో పవన్ నటించిన అజ్ఞాతవాసి సంక్రాంతి కానుకగా విడుదలైంది.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
