హ్యాకింగ్ కు గురైన పవన్ కళ్యాణ్ ట్విట్టర్ అకౌంట్!

పవర్ స్టార్ పవన్ కళ్యాణ్ జనసేన పార్టీ స్థాపించిన తర్వాత సోషల్ మీడియా ద్వారా అభిమానులకు చాలా దగ్గరగా ఉంటూ వచ్చారు. తన అభిప్రాయాలను, ఆలోచనలను ట్విట్టర్ అకౌంట్  ద్వారా పంచుకున్నారు. ఆ అకౌంట్ ప్రస్తుతం ఇబ్బందుల్లో పడింది. పవన్ కళ్యాణ్ ట్విట్టర్ అకౌంట్ ను గుర్తు తెలియని వ్యక్తులు హ్యాక్ చేశారు. పవన్ ట్విట్టర్ అకౌంట్ పాస్ వర్డ్స్ ని దొంగిలించిన హ్యాకర్స్ ఆ తర్వాత పవన్ తన ఖాతాను తెరవలేని విధంగా చేశారు.

మొదట ఏదో సాంకేతిక సమస్య అయి ఉంటుందని అనుకొన్న పవన్ ఆ తర్వాత అకౌంట్ హ్యాక్ అయిందని గుర్తించి వెంటనే తన సిబ్బందిని అలర్ట్ చేశారు. ఈ సంగతిని జనసేన పార్టీ ప్రతినిధులు అందరికీ స్పష్టం చేశారు. ప్రస్తుతం పవన్ అనుచరులు ట్విట్టర్ సిబ్బందితో సంప్రదింపులు జరిపి అకౌంట్ ను రిస్టోర్ చేసే పనిలో ఉన్నారు.  రేపటిలోపున ట్విట్టర్ అకౌంట్ తిరిగిరావచ్చని పవన్ సన్నిహితులు చెప్పారు. అభిమానులు ఎవరూ కంగారు పడనవసరం లేదని సూచించారు.

Also, do SUBSCRIBE to our YouTube channel to get latest Tollywood updates.