తెలుగు ప్రజలకు సైకిల్ కి మంచి అనుబంధం ఉంది. ఇప్పుడు ఆ సైకిల్ స్టార్ హీరోలకు సక్సస్ ని తెచ్చి పెట్టే వాహనంగా మారుతోంది. సూపర్ స్టార్ మహేష్ శ్రీమంతుడు మూవీలో సైకిల్ తొక్కి ఇండస్ట్రీ హిట్ కొట్టారు. దీంతో ప్రిన్స్ కి సైకిల్ సెంటిమెంట్ పట్టుకుంది. అందుకే మురుగదాస్ దర్శకత్వంలో ఆయన చేస్తున్న ద్వి భాషా చిత్రంలో సైకిల్ తొక్కే సన్నివేశాన్ని పెట్టించారు. ఛేజింగ్ సీక్వెన్స్ లో వచ్చే ఈ సీన్ షూటింగ్ వీడియో ప్రస్తుతం సోషల్ మీడియాలో హల్ చల్ చేస్తోంది. “బాబు సైకిల్ ఎక్కాడంటే సినిమా బ్లాక్ బస్టరే” అంటూ అభిమానులు పోస్టులు చేస్తున్నారు. మహేష్ బాబుతో పాటు పవన్ కళ్యాణ్ ఈ సారి సైకిల్ పట్టుకున్నారు. ఎప్పుడూ లేటెస్ట్ మోడల్ బైక్ లపై రయ్ మంటూ దూసుకు పోయే పవర్ స్టార్ సైకిల్ ఎక్కడం ఆసక్తికరంగా మారింది.
డాలీ దర్శకత్వంలో తెరకెక్కుతోన్న కాటమరాయుడు చిత్రంలో పంచెకట్టుతో పవన్ సైకిల్ తొక్కుతారు. రాయలసీమ నేపథ్యంలో గ్రామాల్లో జరిగే కథ కాబట్టి పవన్ సైకిల్ తొక్కినట్లు చిత్ర బృందం వెల్లడించింది. ఈ సన్నివేశం షూటింగ్ వీడియో కూడా కొన్నిరోజుల క్రితం లీక్ అయి యూట్యూబ్ లో సంచలనం సృష్టిస్తోంది. స్టార్ లు పెట్టుకున్న సైకిల్ సెంటిమెంట్ ఎంతమేర సక్సస్ ను తీసుకొస్తుందో చూడాలి.
Also, do SUBSCRIBE to our YouTube channel to get latest Tollywood updates.
