పవన్, త్రివిక్రమ్ మధ్య అనుబంధాన్ని బయటపెట్టిన సమీర్

పవన్ కళ్యాణ్ బయట ఎలా ఉంటారో అతి తక్కువమందికే తెలుసు. ఎందుకంటే పవన్ అంత త్వరగా ఎవరితోనూ కలవరు. కలిస్తే వదలరు. ఆయన గురించి సమీర్ కొత్త విషయాలు బయటికి చెప్పారు. టీవీ నటుడు, సినిమాల్లోనూ మంచి పాత్రలతో గుర్తింపు తెచ్చుకున్న ఈయన కొన్ని సంవత్సరాల క్రితం జరిగిన సంఘటనను గుర్తు చేసుకున్నారు. “ఎన్నో అంచనాల మధ్య విడుదలైన పవన్‌ నటించిన ఓ సినిమా ఫెయిల్ అయింది. దాంతో పవన్‌ అభిమానినైన నేను ఆవేదనకు గురై ఆ సినిమా గురించి ఫేస్‌బుక్‌లో రాశాను. ఆ తర్వాతి రోజు ఉదయాన్నే నాగబాబుగారు ఫోన్‌ చేసి తిట్టారు. దాంతో నేను ఆ కామెంట్‌ను తీసేసాను. నెక్స్ట్ డే  పవన్‌ ఫోన్‌ చేసి మాట్లాడారు. ‘నీ అభిప్రాయం నువ్వు చెప్పావు. నాగబాబు నిన్ను తిట్టడం తప్పు. నువ్వు ఇప్పుడు నాగబాబుకు ఫోన్‌ చేసి తిట్టు’ అని చెప్పారు. నేను అలా చేయలేదు. దాంతో ఆ వివాదం అక్కడితో ముగిసిపోయింది” అని వివరించారు.

అలాగే మరో అనుభవం గురించి మాట్లాడుతూ ” డైరెక్టర్‌ త్రివిక్రమ్‌  ‘అత్తారింటికి దారేది’ సినిమాలో ఓ క్యారెక్టర్‌ కోసం నన్ను పిలిచారు. నేను స్పాట్‌కు వెళ్లగానే పవన్‌ నన్ను పలకరించి, తన గదిలోకి రమ్మన్నారు. నేను వెళ్లాను. ‘ఏంటి ఇక్కడున్నావు’ అని అడిగారు. ‘ఈ సినిమాలో నేను చేస్తున్నా సార్‌’ అని చెప్పా. వెంటనే త్రివిక్రమ్‌గారిని పిలిచి నాలుగేళ్ల క్రితం ఫేస్‌బుక్‌లో నేను చేసిన పని గురించి ఆయనకు చెప్పారు. ‘ఈ సినిమాలో మీకు సమీర్‌ కావాలా? నేను కావాలా?’ అని అడిగారు. త్రివిక్రమ్‌ కొద్దిసేపు ఆలోచించి ‘నాకు సమీరే కావాలి’ అని చెప్పారు. దాంతో పవన్‌ పెద్దగా నవ్వి, త్రివిక్రమ్‌ను కౌగిలించుకున్నారు. అప్పుడు అర్థమైంది వారిద్దరూ నన్ను ఆడుకుంటున్నారని. వారి మధ్య ఎంత అండర్‌స్టాడింగ్‌ ఉంటుందో కూడా నాకు అప్పుడే తెలిసింద’ని సమీర్‌ చెప్పాడు.

Also, do SUBSCRIBE to our YouTube channel to get latest Tollywood updates.