లేడీ ఓరియెంటెడ్ కథకు ఓకే చెప్పిందా..?

ఒకప్పుడు టాలీవుడ్ లో స్టార్ డైరెక్టర్ గా వెలుగొందిన గుణశేఖర్ క్రేజ్ ఈ మధ్యకాలంలో కాస్త తగ్గిందనే చెప్పాలి. వరుస ప్లాప్ లు ఆయన్ని ఇబ్బంది పెట్టాయి. ప్రస్తుతం ఏ హీరో కూడా ఆయనకి డేట్లు ఇవ్వడం లేదు. కానీ హీరో రానా అతడిని నమ్మి ‘హిరణ్య కశ్యప’ అనే సినిమాలో నటించడానికి సిద్ధమయ్యారు. అయితే ఈ సినిమా ఆలస్యమయ్యేలా కనిపిస్తుండడంతో ఈ గ్యాప్ లో మరో సినిమా తీయాలని నిర్ణయించుకున్నాడు గుణశేఖర్. ‘శాకుంతలం’ అనే సినిమాను అనౌన్స్ చేశాడు.

పౌరాణిక ప్రణయ గాథగా ఈ సినిమాను రూపొందించనున్నారు. వచ్చే ఏడాది మొదటి రెండు, మూడు నెలల్లోనే ఈ సినిమాను పట్టాలెక్కించి వీలైనంత త్వరగా విడుదల చేయడానికి గుణశేఖర్ ప్లాన్ చేస్తున్నారు. అయితే ఈ సినిమాలో హీరోయిన్ ఎవరనేది ఇప్పుడు ఇండస్ట్రీలో హాట్ టాపిక్ గా మారింది. సోషల్ మీడియాలో జరుగుతున్న ప్రచారం ప్రకారం ఈ సినిమాలో హీరోయిన్ గా పూజాహెగ్డేని తీసుకోబోతున్నట్లు తెలుస్తోంది. ప్రస్తుతం ఈ బ్యూటీ టాలీవుడ్ లో స్టార్ హీరోయిన్ స్టేటస్ అందుకొని బిజీగా గడుపుతోంది.

రీసెంట్ గా గుణశేఖర్ చెప్పిన లేడీ ఓరియెంటెడ్ కథ ‘శాకుంతలం’ తనకు నచ్చడంతో నటించడానికి ఒప్పుకుందట పూజాహెగ్డే. అయితే ఈ విషయంపై ఎలాంటి అధికార ప్రకటన లేదు. మొదట ఈ సినిమాలో హీరోయిన్ గా అనుష్క పేరు వినిపించింది. కానీ ఇప్పుడు పూజాహెగ్డే పేరు తెరపైకి వచ్చింది. మరి ఈ సినిమా ఛాన్స్ ఎవరికీ దక్కుతుందో చూడాలి!