కొన్ని సార్లు పాటలు బాగా పాపులర్ అవుతాయి. ఎంతగా అంటే ఆ పాట లిరిక్స్ ని టైటిల్ గా పెట్టుకునేంత. సినిమాలకు పేర్లుగా పెట్టుకుంటే అవి కూడా చాలా వరకు హిట్ కావడం విశేషం. అలా తెలుగు సినిమాలకు టైటిల్స్ గా మారిన పాటలపై ఫోకస్..
1. సోగ్గాడే చిన్ని నాయన 
అక్కినేని నాగేశ్వరరావు నటించిన ఆస్తిపరులు చిత్రంలో ‘సోగ్గాడే చిన్ని నాయన ఒక పిట్ట నైనా కొట్టలేదు సోగ్గాడే.’ అనే పాట బాగా పాపులర్ అయింది. ఆ పాటనే నాగార్జున తన సినిమాకి పెట్టుకున్నారు.
2. చలో 
అల్లు అర్జున్ పరుగు సినిమాలో ‘చల్ చల్ ఛలో’ పాట బాగా ఫేమస్ అయింది. ఈ సాంగ్ ని నాగ శౌర్య చిత్రానికి పెట్టుకొని సూపర్ హిట్ కొట్టారు.
3. కెవ్వు కేక 
పవన్ కళ్యాణ్ గబ్బర్ సింగ్ మూవీ లో “కెవ్వు కేక” అనే సాంగ్ ని తీసుకుని అల్లరి నరేష్ మూవీ టైటిల్ గా పెట్టారు.
4. A వచ్చి B పై వాలే 
ప్రభాస్ ఛత్రపతి మూవీ లో ఇదొక సూపర్ హిట్ సాంగ్. ఈ పేరుతో మూవీ వచ్చింది. అందులో పూరి జగన్నాధ్ బ్రదర్ సాయిరాం నటించారు.
5. బంగారు కోడి పెట్ట 
చిరంజీవి హిట్ సాంగ్ “బంగారు కోడి పెట్ట”..ని రామ్ చరణ్ మగధీర లో రీమేక్ చేసారు. ఈ సాంగ్ ని మూవీ టైటిల్ గా పెట్టారు. స్వాతి, నవదీప్ నటించిన మూవీ అంతగా ఆకట్టుకోలేదు.
6. సంథింగ్ సంథింగ్ 
నువ్వొస్తానంటే నేనొద్దంటానా .. సినిమాలో సంథింగ్ సంథింగ్ అనే హుషారైన సాంగ్ ఉంది. దాని పేరుతో సిద్ధార్థ్ మూవీ చేసాడు. హన్సిక హీరోయిన్ గా చేసిన ఈ చిత్రం విజయం సాధించలేదు.
7. ప్రియతమా నీవచట కుశలమా 
కమల్ హాసన్ నటించిన గుణ సినిమాలోని ప్రియతమా నీవచట కుశలమా అనే పాటని వరుణ్ సందేశ్ సినిమాకి టైటిల్ గా పెట్టారు.
8. ఎటో వెళ్ళిపోయింది మనసు 
నాగ్గార్జున హిట్ మూవీ నిన్నే పెళ్లాడుతాలో ఎటో వెళ్ళిపోయింది మనసు పాట బాగా పాపులర్ అయింది. అదే పేరుతో నాని, సమంత సినిమా చేసారు.
9. వస్తాడు నా రాజు 
అల్లూరి సీతారామ రాజు మూవీ లోని సూపర్ హిట్ సాంగ్ వస్తాడు నా రాజు. ఈ సాంగ్ ని మూవీ టైటిల్ గా పెట్టుకొని మంచు విష్ణు సినిమా చేశారు.
10. మళ్లీ మళ్లీ ఇది రాని రోజు 
మెగాస్టార్ చిరంజీవి సూపర్ హిట్ సాంగ్స్ లో మళ్లీ మళ్లీ ఇది రాని రోజు ఒకటి. ఈ పేరుతో శర్వానంద్ సినిమా చేసి విజయాన్ని అందుకున్నారు.
11. ఆహా నా పెళ్లంట 
అలనాటి క్లాసిక్ చిత్రం మాయాబజార్ లోని ఆహా నా పెళ్లంట పాట పేరుతో రాజేంద్ర ప్రసాద్ సినిమా చేసి సూపర్ హిట్ కొట్టారు.
12. Mr పర్ఫెక్ట్ 
సుకుమార్, అల్లు అర్జున్ కలయికలో వచ్చిన ఆర్య 2.లో Mr పర్ఫెక్ట్ అనే పాట అందరినీ ఆకట్టుకుంది. ఆ టైటిల్ తో ప్రభాస్ సినిమా చేసి హిట్ అందుకున్నారు.
13 . కాటమరాయుడు
అత్తారింటికి దారేది సినిమాలో “కాటమరాయుడా” అనే పాట ప్రేక్షకులకు బాగా నచ్చింది. అందరినోట ఆ పాటే పలికింది. అందుకే ఆ పేరునే తన చిత్రానికి పవన్ కళ్యాణ్ పెట్టుకున్నారు.
14. నమో వెంకటేశా
సినీ పరిశ్రమ మొదలైన కొత్తల్లో ఘంటసాల పాడిన “నమో వెంకటేశా” పాట బాగా పాపులర్ అయింది. ఇప్పటికీ ఆ పాటని ఆలయాల్లో వినిపిస్తున్నారు. ఆ పాటనే టైటిల్ గా మార్చుకొని విక్టరీ వెంకటేష్ హిట్ అందుకున్నారు.
15. నువ్వు వస్తానంటే వద్దంటానా !
ప్రభాస్ హిట్ సినిమా వర్షంలో “నువ్వు వస్తానంటే వద్దంటానా” అనే పాట అందరికీ భలే నచ్చింది. ఆ సూపర్ సాంగ్ తో త్రిష హీరోయిన్ గా సినిమాని తెరకెక్కించారు ప్రభుదేవా. మీరు మంచి సినిమా తీస్తే చూడకుండా ఉంటామా..! అని తెలుగు ఆడియన్స్ హిట్ చేయించారు.
16. సినిమా చూపిస్తా మామ 
అల్లు అర్జున్ రేసుగుర్రం సినిమా పేరు చెప్పగానే అందులో సినిమా చూపిస్తా మామ పాట తప్పకుండా గుర్తుకొస్తుంది. అంతలా ఆకట్టుకుంది ఆపాట. అందుకే ఆ పాటనే రాజ్ తరుణ్ తన సినిమాకి పెట్టుకొని హిట్ ని తన ఖాతాలో వేసుకున్నాడు.
17. కుందనపు బొమ్మ 
సమంతను ఏ మాయ చేసావే సినిమాలో కుందనపు బొమ్మ అని నాగ చైతన్య ముద్దుగా పిలుచుకున్నాడు. ఆ పాటని ఏ ఆర్ రెహమాన్ అందరి గుండెల్లోకి చొచ్చుకుని వెళ్లే విధంగా కంపోజ్ చేశారు. అందుకే డైరక్టర్ వరా ముళ్లపూడి యువ నటీనటులు చాందిని చౌదరి, సుధాకర్ లతో తెరకెక్కించిన సినిమాకి కుందనపు బొమ్మ అని పేరు పెట్టుకున్నారు.
18. బంతిపూల జానకి 
బాద్ షా మూవీలో బంతిపూల జానకి పాటని ఎస్ ఎస్ థమన్ అద్భుతం గా ఇచ్చారు. ఎన్టీఆర్, కాజల్ స్టెప్పులతో అదరగొట్టారు. అలా తమ సినిమా అదిరిపోవాలని హాస్యనటుడు ధన్ రాజ్ తన సినిమాకి బంతిపూల జానకి అని పేరు పెట్టుకున్నారు.
19. ఎవడే సుబ్రహ్మణ్యం 
లవర్ బాయ్ సిద్దార్ధ్ , మిల్కీ బ్యూటీ తమన్నా నటించిన మూవీ “కొంచెం ఇష్టం కొంచెం కష్టం”. ఇందులో “ఎవడే సుబ్రహ్మణ్యం” అందరూ హమ్ చేసేలా ఆకట్టుకుంది. సో ఆ పేరుతో నాని సినిమా చేసి అందరితో అభినందనలు అందుకున్నారు.
20. సాహసం శ్వాసగా సాగిపో 
మహేష్ బాబు బ్లాక్ బస్టర్ హిట్ మూవీ ఒక్కడు. అందులోని “సాహసం శ్వాసగా సాగిపో” పాట కథలో కీలకం. అటువంటి కీలక ఆపాటని తన ట్రావెలింగ్ స్టోరీకి పేరుగా పెట్టుకున్నారు నాగచైతన్య. గౌతమ్ మీనన్ దర్శకత్వంలో వచ్చిన ఈ సినిమా విమర్శకుల ప్రశంసలు అందుకుంది.
21. చిత్రం భళారే విచిత్రం 
మహానటుడు నందమూరి తారకరామారావు నటించిన దాన వీర సూర కర్ణ సినిమాలో “చిత్రం భళారే విచిత్రం” సూపర్ హిట్. ఆ పేరుతో పాతికేళ్ల క్రితం నరేష్ సినిమా వచ్చింది. సూపర్ హిట్. రీసెంట్ గా కూడా హారర్ థ్రిల్లర్ మూవీకి ఇదే పేరు పెట్టుకున్నారు.
22. ఎక్కడికి పోతావు చిన్నవాడా
దాదా సాహెబ్ పాల్కే అవార్డు గ్రహీత అక్కినేని నాగేశ్వరరావు నటించిన ఆత్మబలం చిత్రంలోని “ఎక్కడికి పోతావు చిన్నవాడా” అప్పట్లో ఓ సంచలనం. ఆ పాటని పేరుగా పెట్టుకొని నిఖిల్ ఇప్పుడు సంచలన హిట్ సాధించాడు.
23. హలో గురూ ప్రేమ కోసమే ..
అక్కినేని నాగార్జున, అమల జంటగా నటించిన సూపర్ హిట్ సినిమా నిర్ణయం. ఇందులోని “హలొ గురూ ప్రేమ కోసమే” సాంగ్ అప్పటి కాలేజీ కుర్రోళ్ళకి ఇష్టమైన పాటగా మారింది. ఆ పాటతో నాగార్జున తనయుడు అఖిల్ సినిమా చేస్తున్నారు. విక్రమ్ కుమార్ దర్శకత్వంలో తెరకెక్కుతున్న ఈ సినిమా టైటిల్ ని త్వరలోనే ప్రకటించనున్నారు.
ఇంకా మేము మిస్ చేసిన టైటిల్స్ ఏమైనా ఉంటే ..కామెంట్ చేయండి.
