మ‌న టాలీవుడ్ హీరోల‌లో ఒక్కొక్క‌రికి ఒక్కో పిచ్చి. చాలా మంది హీరోల‌కు కార్ల పిచ్చి ఉంటుంది. వాళ్ల‌కు అప్ప‌టికే రెండు మూడు కార్లు ఉన్నా…మార్కెట్లోకి ఏదైనా కొత్త మోడ‌ల్ వచ్చిందంటే చాలు..వెంట‌నే ఆ కారుపై వారి క‌న్నుప‌డిపోతుంది. కోట్లు కొని మ‌రీ ఆ కారును కొనేసి త‌మ ఇంట్లో పెట్టేసుకుంటారు. ఆ కారును వాడినా వాడ‌క‌పోయినా కారు మాత్రం వాళ్ల ఇంట్లో ఉండాల్సిందే. ఎన్టీఆర్, రాంచ‌ర‌ణ్‌, ప్రభాస్, మహేష్ ఈ హీరోలంద‌రూ ఈ కోవ‌లోకే వ‌స్తారు.
ఈ నేప‌థ్యంలోనే యంగ్‌రెబ‌ల్‌స్టార్ ప్ర‌భాస్‌కు కూడా కొత్త కారు కొన్నాడు. ప్రభాస్ ఇప్ప‌టికే రెండు మూడు కార్లు వాడుతున్నా ఇప్పుడు కోట్లు పోసి మ‌రీ మ‌రో ఖ‌రీదైన కారు కొన్నాడు. ప్రభాస్ రూ 2.82 కోట్ల‌తో కొత్త రేంజ్ రోవ‌ర్ కారును కొన్నాడు. ఈ కారు రిజిస్ర్టేష‌న్ కోసం ప్రభాస్ ఖైర‌తాబాద్‌లోని ఆర్టీఏ కార్యాల‌యానికి వ‌చ్చాడు. ఆర్టీఏ కార్యాల‌యానికి వ‌చ్చిన ప్ర‌భాస్‌ను చూసేందుకు అభిమానులు ఒక్క‌సారిగా ఎగ‌బ‌డ్డారు. దీంతో అక్క‌డ సందడి వాతావ‌ర‌ణం నెల‌కొంది.
Home