ఈశ్వర్ సినిమాతో టాలీవుడ్ లో నటుడిగా కెరీర్ ను మొదలుపెట్టిన ప్రభాస్ తక్కువ సమయంలోనే స్టార్ హీరో స్టేటస్ ను సొంతం చేసుకున్నారు. వివాదాలకు దూరంగా ఉండే ఈ హీరో మాస్ సినిమాలతో పాటు క్లాస్ సినిమాలు కూడా చేసి అన్ని వర్గాల ప్రేక్షకులను మెప్పించారు. బాహుబలి సినిమాతో పాన్ ఇండియా హీరోగా గుర్తింపును సంపాదించుకున్న ప్రభాస్ టాలీవుడ్ లో ఏ హీరోకు దక్కని అరుదైన ఘనతలను సొంతం చేసుకుంటున్నారు.
విదేశీ మీడియా సంస్థలు హాలీవుడ్ స్టార్స్ గురించి మాత్రమే ఎక్కువగా కథనాలు రాస్తాయి. మన టాలీవుడ్ హీరోలకు సంబంధించిన కథనాలు విదేశీ మీడియాలో అరుదుగా వస్తాయి. అయితే ఇటలీ మీడియా సంస్థ ప్రభాస్ గురించి ఒక కథనాన్ని రాయడంతో ప్రభాస్ ఫ్యాన్స్ ఆనందానికి అవధులు లేకుండా పోయాయి. ప్రభాస్ గ్లోబర్ స్టార్ కావడం వల్లే ఇటలీ మీడియా సంస్థలు సైతం ప్రభాస్ పై దృష్టి పెట్టాయని ఫ్యాన్స్ భావిస్తున్నారు. ప్రభాస్ నటిస్తున్న రాధేశ్యామ్ సినిమా షూటింగ్ ఇటీవల ఇటలీలో జరిగిన సంగతి తెలిసిందే.
ఈ మూవీ గురించి, ప్రభాస్ గురించి చెబుతూ ఇటలీ మీడియా కథనాన్ని ప్రచురించింది. రాధేశ్యామ్ మూవీ ఈ ఏడాదే రిలీజ్ కానుండగా సలార్ ఆదిపురుష్ సినిమాలు వచ్చే ఏడాది రిలీజ్ కానున్నాయి. రాధేశ్యామ్ మూవీ రిలీజ్ డేట్ కు సంబంధించి స్పష్టమైన ప్రకటన రావాల్సి ఉంది. బాహుబలి సిరీస్ తర్వాత ప్రభాస్ కు ఇతర దేశాల్లో కూడా అభిమానులు పెరగగా సినిమాసినిమాకు ప్రభాస్ అభిమానులను పెంచుకుంటున్నారు. ప్రభాస్ నాగ్ అశ్విన్ మూవీ షూటింగ్ ఈ ఏడాదే మొదలుకానుంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
