Prabhas: 2023 నుండి… ప్రతి జూన్ లో ప్రభాస్ ఇలా కనిపిస్తున్నాడు..గమనించారా?

పాన్ ఇండియా స్టార్ ప్రభాస్ (Prabhas) ‘బాహుబలి 2’ (Baahubali 2) తర్వాత తన ఇమేజ్ కాపాడుకోవడానికి కమర్షియల్ అండ్ మాస్ ఎంటర్టైనర్లు మాత్రమే చేయడం లేదు.డిఫరెంట్ జోనర్లలో సినిమాలు చేస్తూ వస్తున్నాడు. ‘సాహో’ (Saaho) కంప్లీట్ యాక్షన్ మూవీ. ఆ తర్వాత వచ్చిన ‘రాధే శ్యామ్’ (Radhe Shyam) జాతకాల థీమ్ తో కూడిన ఓ డిఫరెంట్ లవ్ స్టోరీ.

Prabhas

దీని తర్వాత వచ్చిన ‘ఆదిపురుష్’ (Adipurush) మైథలాజికల్ మూవీ. ఆ వెంటనే వచ్చిన ‘సలార్’ (Salaar) మాస్ కమర్షియల్ డ్రామా. ఇక ‘కల్కి 2898 ad’ (Kalki 2898 AD) ఓ సైన్స్ ఫిక్షన్ మూవీ. ఇప్పుడు చేసిన ‘కన్నప్ప’ (Kannappa) మైథలాజికల్ టచ్ ఉన్న ఓ చారిత్రాత్మక సినిమా. త్వరలో రాబోతున్న ‘ది రాజాసాబ్’ ఓ హారర్ రొమాంటిక్ డ్రామా. ‘ఫౌజీ’ పీరియాడిక్ అండ్ వార్ బ్యాక్ గ్రౌండ్ మూవీ.

ఇలా డిఫరెంట్ గా సినిమాలు చేస్తూ వస్తున్నాడు ప్రభాస్ (Prabhas). అయితే విచిత్రంగా ప్రభాస్ మైథలాజికల్ టచ్ ఉన్న పాత్రల్లో ఎక్కువగా కనిపిస్తూ ఉండటాన్ని కూడా గమనించవచ్చు. అది కూడా జూన్ నెలలో ఏదో ఒక మైథలాజికల్ టచ్ ఉన్న పాత్రతో ప్రేక్షకుల ముందుకు వస్తున్నాడు. 2023 లో ‘ఆదిపురుష్’ (Adipurush) తో ప్రేక్షకుల ముందుకు వచ్చాడు. అందులో ప్రభాస్ (Prabhas) శ్రీరాముని పాత్రలో కనిపించాడు.

ఇక 2024 జూన్ లో ‘కల్కి’ వచ్చింది. ఇందులో ‘కర్ణుడు’ గా కనిపించి సర్ప్రైజ్ చేశాడు. ఇక ఈ 2025 జూన్ లో ‘కన్నప్ప’ (Kannappa) తో ప్రేక్షకుల ముందుకు వచ్చాడు. ఇందులో ‘రుద్ర'(రుద్రుడు) పాత్రలో ఒదిగిపోయాడు. మరి 2026 లో కూడా ఏదైనా మైథలాజికల్ టచ్ ఉన్న పాత్రతో ప్రేక్షకులను ప్రభాస్ పలకరిస్తాడేమో చూడాలి.

మొన్న అనుష్క.. నిన్న సమంత.. ఇప్పుడు రష్మిక..!