Rashmika: మొన్న అనుష్క.. నిన్న సమంత.. ఇప్పుడు రష్మిక..!

సినిమా రంగంలో హీరోయిన్ల హవా గట్టిగా 4,5 ఏళ్ళు మాత్రమే ఉంటుంది. ఈ టైంలో వాళ్ళు ఎంత క్యాష్ చేసుకోవాలనుకుంటే అంత క్యాష్ చేసుకుని ఫైనాన్షియల్ గా సెటిల్ అవ్వాలని చూస్తారు. ఆ తర్వాత కూడా వాళ్ళకి క్రేజ్ ఉంటే ఓకే. లేదు అంటే కొంతమంది పెళ్లి చేసుకుని ఫ్యామిలీ లైఫ్ లోకి ఎంట్రీ ఇచ్చేస్తారు. అలా సెటిల్ అయిపోతారు. సినిమాలకి దూరంగా ఉంటారు.

Rashmika

ఈ పద్దతిని మార్చింది అంటే కచ్చితంగా అనుష్క (Anushka Shetty) అనే చెప్పాలి. 2005 లో సినిమాల్లోకి ఎంట్రీ ఇచ్చిన అనుష్క.. ‘విక్రమార్కుడు’ (Vikramarkudu) తో తొలి సక్సెస్ అందుకుంది. ఆ తర్వాత ‘లక్ష్యం’ (Lakshyam) ‘శౌర్యం’ (Souryam) వంటి హిట్లు కొట్టినా.. ఆమెను ‘అరుంధతి’ (Arundhati) తో లేడీ సూపర్ స్టార్ ఇమేజ్ ను సొంతం చేసుకుంది. అప్పటి నుండి కంటెంట్ ఉన్న సినిమాల్లో ప్రధాన పాత్రలు పోషిస్తూ రూ.50 కోట్ల మార్కెట్ ను సొంతం చేసుకుంది. ఇప్పుడు ఎంతమంది కొత్త హీరోయిన్లు వచ్చి స్టార్లుగా ఎదిగినా.. అనుష్క క్రేజ్ తగ్గలేదు.

తర్వాత సమంత (Samantha) విషయంలో కూడా ఇదే రిపీట్ అయ్యింది. హీరోయిన్ గా సమంత క్రేజ్ తగ్గుతూ వస్తుంది అనుకున్న టైంలో ‘రంగస్థలం’ (Rangasthalam) ‘ఓ బేబీ’ (Oh! Baby) ‘యశోద’ (Yashoda) వంటి కథాబలం ఉన్న సినిమాలు ఎంపిక చేసుకుని రూ.25 కోట్ల మార్కెట్ పొందింది. చూస్తుంటే ఇప్పుడు రష్మిక (Rashmika Mandanna) కూడా ఇదే బాటలో నడుస్తున్నట్టు స్పష్టమవుతుంది. రష్మిక 2018 లో హీరోయిన్ గా ఎంట్రీ ఇచ్చింది. తక్కువ టైంలోనే స్టార్ గా ఎదిగింది. తర్వాత నేషనల్ క్రష్ అనిపించుకుంది.

అయితే తర్వాత ఆమె హవా తగ్గింది అని అంతా అనుకున్నారు. కృతి శెట్టి (Krithi Shetty), శ్రీలీల (Sreeleela) వంటి వాళ్లకి డిమాండ్ పెరగడంతో రష్మిక రేంజ్ పడిపోయింది అనుకున్నారు. కానీ ‘యానిమల్’ (Animal) ‘పుష్ప 2’ (Pushpa 2) ‘కుబేర’ (Kuberaa) తో రష్మిక మళ్ళీ పుంజుకుంది. ఇప్పుడు ఆమె లేడీ ఓరియెంటెడ్ సినిమాలు కూడా ఒప్పుకుంటూ లేడీ సూపర్ ఇమేజ్ కోసం ప్రయత్నిస్తున్నట్టు తెలుస్తుంది. ‘ది గర్ల్ ఫ్రెండ్’ తో పాటు ‘మైసా’ వంటి పాన్ ఇండియా సినిమాల్లో ఆమె ప్రధాన పాత్రలు పోషిస్తుంది. ఇవి కనుక హిట్ అయితే.. రష్మికకి కూడా లేడీ సూపర్ ఇమేజ్ రావడం ఖాయం.

‘కన్నప్ప’ లో ఆ సీన్స్ కట్ చేస్తే బెటర్ కదా..!