ఓజీలో ప్రభాస్.. ఈ సాక్ష్యాన్ని నమ్ముతారా?

పవన్ లైనప్ లో ఎన్ని సినిమాలు ఉన్నా కూడా ఫ్యాన్స్ ఫోకస్ మొత్తం ఓజీ (OG Movie)  పైనే ఉంది. పవన్ (Pawan Kalyan)  డిప్యూటీ సీఎంగా ఎలాంటి కార్యక్రమాలలో కనిపించినా ఓజీ అనే నినాదాలు వైరల్ అవుతున్నాయి. పవన్ కూడా ఒక సందర్భంలో సినిమా బాగుంటుంది అని ఓ చిన్న మాట చెప్పి హీటెక్కించాడు. మరోవైపు మేకర్స్ వరుస అప్డేట్స్ తో సినిమాకు మరింత బూస్ట్ ఇస్తున్నారు. ఇక ఇటీవల ప్రకాష్ రాజ్ (Prakash Raj) కూడా సినిమాలో ఉన్నట్లు టాక్ రాగానే అందరూ షాక్ అయ్యారు.

OG

నిజానికి క్యాస్టింగ్ ఎప్పుడో ఫైనల్ అయ్యింది. కానీ అప్పుడు ఎవరు అంతగా పట్టించుకోలేదు. ఇక ప్రకాష్ రాజ్ సినిమాలో నటించడం వింతేమి కాకపోయినా ప్రస్తుత సందర్భంలో మాత్రం ఇది అట్రాక్ట్ చేసే విషయమే. ఇటీవల సనాతన ధర్మం, తిరుమల లడ్డు వివాదంపై పవన్ ఏ విధంగా రియాక్ట్ అయ్యారో ప్రత్యేకంగా చెప్పనక్కర్లేదు. ఇక ఆ విషయంలో పవన్ కళ్యాణ్ పై కౌంటర్లు వేసే ప్రయత్నం చేశారు ప్రకాష్ రాజ్.

ఆ గొడవ వేడి తగ్గకముందే లేటెస్ట్ ఓజీ షెడ్యూల్ లో ప్రకాష్ రాజ్ కూడా పాల్గొన్నట్లు న్యూస్ లీక్ అయ్యింది. ఇక దీనిపై కన్ఫ్యూజన్ లో ఉన్న వారు అసలు నిజంగానే ప్రకాష్ రాజ్ ఈ సినిమాలో ఉన్నారా? అంటూ గూగుల్ లో సెర్చ్ చేయడం స్టార్ట్ చేశారు. తీరా చూస్తే ప్రకాష్ రాజ్ ఉన్నాడు. మరో ట్విస్ట్ ఏమిటంటే క్యాస్టింగ్ లిస్టులో ప్రభాస్ (Prabhas) ఫొటో కూడా ఉంది.

దీంతో ఫ్యాన్స్ ఒక్కసారిగా సోషల్ మీడియాలో ఈ విషయాన్ని మరింత వైరల్ చేస్తున్నారు. అయితే మల్టివర్స్ తరహాలో సుజిత్ (Sujeeth)  కూడా సాహో (Saaho) – ఓజీ కి కనెక్షన్లు ఇస్తున్నట్లు గతంలోనే గాసిప్స్ పుట్టుకొచ్చాయి. కానీ దానిపై సరైన క్లారిటీ ఎవరు ఇవ్వలేదు. ఇక ఇప్పుడు ఈ రకమైన గూగుల్ న్యూస్ ను నమ్మడానికి వీలు లేదు. మరి మేకర్స్ ఏమైనా క్లారిటీ ఇస్తారేమో చూడాలి.