Prakash Raj: నా కామెంట్లను తప్పుగా అర్థం చేసుకున్నారన్న ప్రకాష్ రాజ్.. ఏం చెప్పారంటే?

ప్రస్తుతం తెలుగు రాష్ట్రాల్లో తిరుమల లడ్డు వివాదం కొనసాగుతుందనే సంగతి తెలిసిందే. తిరుమల లడ్డు వివాదం విషయంలో భిన్నాభిప్రాయాలు వ్యక్తమవుతూ ఉండగా పవన్ కళ్యాణ్ (Pawan Kalyan) చేసిన కామెంట్ల గురించి ప్రకాష్ రాజ్ (Prakash Raj) రియాక్ట్ అయ్యారు. ఇప్పుడే తాను పవన్ కళ్యాణ్ ప్రెస్ మీట్ చూశానని ప్రకాష్ రాజ్ చెప్పుకొచ్చారు. తన కామెంట్లను పవన్ కళ్యాణ్ తప్పుగా అర్థం చేసుకున్నారని ఆయన కామెంట్లు చేశారు. ప్రస్తుతం తాను విదేశాల్లో షూటింగ్ లో ఉన్నానని 30వ తేదీ తర్వాత పవన్ ప్రతి మాటకు సమాధానం చెబుతానని తెలిపారు.

Prakash Raj

ఆలోపు వీలైతే నా ట్వీట్ ను మరోసారి చదివి అర్థం చేసుకోవాలని ప్రకాష్ రాజ్ కామెంట్లు చేశారు. కొన్నిరోజుల క్రితం పవన్ మాట్లాడుతూ ప్రకాష్ రాజ్ సున్నితమైన అంశాల గురించి తెలుసుకుని మాట్లాడాలని అన్నారు. ప్రకాష్ రాజ్ తో పాటు తాను అందరికీ ఈ విషయం చెబుతున్నానని కామెంట్లు చేశారు. విమర్శలు చేసే ముందు అసలేం జరిగిందో అర్థం చేసుకోవాలని చెప్పుకొచ్చారు. సనాతన ధర్మంపై ఇష్టానుసారం మాట్లాడితే ఊరుకునేది లేదని పవన్ అన్నారు.

మరోవైపు ఈ వివాదం విషయంలో కేంద్రం సైతం జోక్యం చేసుకుంటున్న నేపథ్యంలో రాబోయే రోజుల్లో ఈ వివాదంలో ఎలాంటి మలుపులు చోటు చేసుకుంటాయో చూడాలి. ప్రకాష్ రాజ్ రియాక్షన్ గురించి పవన్ మళ్లీ రియాక్ట్ అవుతారేమో చూడాల్సి ఉంది. ప్రకాష్ రాజ్ దేవర సినిమాలో సైతం కీలక పాత్రలో నటించిన సంగతి తెలిసిందే. మరో 48 గంటల్లో ఈ సినిమా థియేటర్లలో విడుదల కానుంది.

దేవర (Devara) సినిమాలో ప్రకాష్ రాజ్ పాత్ర కథను మలుపు తిప్పే పాత్ర అని కామెంట్లు వినిపిస్తున్నాయి. టాలీవుడ్ ఇండస్ట్రీలో ఎక్కువగా గుర్తింపు ఉన్న నటులకే దేవర సినిమాలో ప్రాధాన్యత ఉండటం కొసమెరుపు. ప్రకాష్ రాజ్ కు వయస్సు పెరుగుతున్నా మూవీ ఆఫర్లు మాత్రం తగ్గడం లేదు.

Dear ⁦@PawanKalyan⁩ garu..i saw your press meet.. what i have said and what you have misinterpreted is surprising.. im shooting abroad. Will come back to reply your questions.. meanwhile i would appreciate if you can go through my tweet earlier and understand #justasking pic.twitter.com/zP3Z5EfqDa

— Prakash Raj (@prakashraaj) September 24, 2024

అక్కడ తారక్ ఖాతాలో మరో సంచలన రికార్డ్.. ఏం జరిగిందంటే?