Prasanth Varma , Ranveer Singh: ప్రశాంత్‌ వర్మ బాలీవుడ్‌ సినిమా.. షూటింగ్‌ స్టార్ట్‌ అయిందా?

టాలీవుడ్ దర్శకుడు @ బాలీవుడ్‌ ఇండస్ట్రీ.. అంటూ గత కొన్ని రోజులుగా మన మన తెలుగు దర్శకుల గురించి గొప్పగా చెప్పుకుంటూ ఉన్నాం. అందుకు తగ్గట్టే మన దర్శకులు చాలా మంది అక్కడి హీరోలతో సినిమాలు చేస్తూ ఉన్నారు. మరికొంతమంది కథలు వినిపించే పనిలో ఉన్నారు. అలా కథ వినిపించేసి ప్రముఖ యువ దర్శకుడు ‘హనుమాన్‌’ (Hanu Man) సినిమాతో పాన్‌ ఇండియా హిట్‌ కొట్టిన ప్రశాంత్‌ వర్మ (Prasanth Varma) కూడా ఓ బాలీవుడ్‌ వెళ్తున్నారు అని మనం చదువుకున్నాం.

మొన్నామధ్య ఆ సినిమా గురించి గొప్పగా చెబుతూ పేరు కూడా లీకు చేశారు. ‘బ్రహ్మ రాక్షస’ అనే పేరుతో సినిమా ఉంటుందని, బాలీవుడ్‌ పవర్‌ హౌస్‌ రణ్‌వీర్‌ సింగ్‌ (Ranveer Singh)  అందులో నటిస్తాడు అని కూడా వార్తలొచ్చాయి. కానీ ఆ తర్వాత ఆ సినిమా గురించి పెద్దగా ఎక్కడా చర్చలేదు. దీంతో చాలా రకాల పుకార్లలాగే ఈ సినిమా కూడా పుకార్లకే పరిమితం అయిందా అనే డౌట్స్‌ వస్తున్నాయి. ఈ క్రమంలో సినిమా గురించి మరో పుకారు వచ్చింది.

ప్రస్తుతం ప్రశాంత్‌ వర్మ సినిమా షో రీల్‌ను తెరకెక్కించే పనిలో ఉన్నారట. అంటే సినిమా అనౌన్స్‌మెంట్‌ వీడియోను షూట్‌ చేసే పనిలో ఉన్నారు అని చెబుతున్నారు. ఈ మాట వినడానికి చాలా ఇంట్రెస్టింగ్‌గా ఉంది కానీ.. ఇందులో ఎంతవరకు నిజం ఉంది అనేది తెలియడం లేదు. హైద‌రాబాద్ శివార్ల‌లో ‘హ‌నుమాన్‌’ సినిమా కోసం వేసిన సెట్‌లోనే ‘బ్ర‌హ్మ‌రాక్ష‌స‌’ షూట్ మొద‌లైంద‌ట‌. అయితే ఇది గ్లింప్స్ కోసమే అని అంటున్నారు.

‘బ్ర‌హ్మ‌రాక్ష‌స‌’ సినిమాను అధికారికంగా ప్రకటించడానికి ఓ స్పెషల్‌ గ్లింప్స్‌ను సిద్ధం చేస్తున్నారట. ర‌ణ్‌వీర్ సింగ్ మాత్ర‌మే ఈ షూట్‌లో ఉన్నాడట. షూట్‌ అయి.. మొత్తంగా సిద్ధం చేసుకున్నాక సినిమాను ఘనంగా అనౌన్స్‌ చేస్తారు అని చెబుతున్నారు. ఒకవేళ అదేకనక జరిగితే అద్భుతం అనే చెప్పాలి. ఎందుకంటే రెండు, మూడు సినిమాల అనుభవానికే బాలీవుడ్‌ స్టార్‌ హీరోను హ్యాండిల్ చేయడం చిన్న విషయం ఏమీ కాదు.