ఫలానా దర్శకుడితో, ఫలానా హీరో సినిమా అని పుకార్లు వస్తుంటాయి. మీరు కూడా చాలానే చదివి ఉంటారు. నిజానికి ఆ పుకార్లు ఎలా బయటకు వస్తాయి. నిప్పు లేనిదే పొగ రాదు అన్నట్లుగా… ఎక్కడో ఏదో జరిగితేనే అలాంటి పుకార్లు బయటికొస్తాయి. అలా ఓ ఫొటోను రిలీజ్‌ చేసి పుకార్లు పుట్టించడం చాలామంది విషయం జరుగుతూ ఉంటుంది. రీసెంట్‌ ఇలాంటి ఫొటో రూమర్‌ జరిగింది రామ్‌చరణ్‌ – ప్రశాంత్‌ నీల్‌ సినిమా గురించి. రిలీజ్‌ చేసిన ఫొటో చూసి అభిమానులు ఈ కాంబోలో సినిమా గురించి అంచనాలు పెంచేసుకున్నారు.
తీరా చూస్తే… ప్రశాంత్‌ నీల్‌ సినిమాల లైనప్‌లో రామ్‌చరణ్‌ సినిమానే లేదు. ‘కేజీయఫ్‌ 2’ విడుదల సందర్భంగా ప్రశాంత్‌ నీల్‌ ఇటీవల ఓ మీడియాతో మాట్లాడుతూ ఈ విషయం చెప్పుకొచ్చారు. ప్ర‌స్తుతానికి ‘స‌లార్’ చేస్తున్నానని, ఆ తర్వాత తార‌క్‌తో ఓ సినిమా ఉంటుందని చెప్పారు ప్రశాంత్‌ నీల్‌. ఆ తర్వాత త‌న తొలి చిత్రం ‘ఉగ్రమ్‌’ క‌థానాయ‌కుడు ముర‌ళీతో ఓ సినిమా చేస్తాన‌ని చెప్పారు. ఆ తర్వాత య‌శ్‌తో ఇంకో సినిమా చేస్తాన‌ని తెలిపారు ప్రశాంత్‌ నీల్‌.
ఈ సినిమాలు కాకుండా కొత్త సినిమాలేవీ చేయడం లేదని తేల్చి చెప్పేశారు ప్రశాంత్‌ నీల్‌. దీంతో ప్రశాంత్‌ నీల్‌తో సినిమా ఉంది అంటూ మురిసిపోయిన రామ్‌చరణ్‌ ఫ్యాన్స్‌కి షాక్‌ తగిలినట్లయింది. అలాంటప్పుడు రామ్‌చరణ్‌, చిరంజీవిని ఆ రోజు ప్రశాంత్‌ నీల్‌ కలిసింది ఎందుకు? అనే ప్రశ్న మొదలైంది. అన్నట్లు ఆ ఫొటోలో ప్రముఖ నిర్మాత డీవీవీ దానయ్య కూడా ఉన్నారు. ఆయన నిర్మాణంలో చరణ్‌ – ప్రశాంత్‌ సినిమా వస్తుందనుకున్నారు.
ఈ సినిమా ఒక్కటే కాదు. అల్లు అర్జున్‌ – ప్రశాంత్‌ నీల్‌ సినిమా ఆలోచనలు కూడా హుష్‌కాకి అయిపోయాయి. ఆ మధ్య గీతా ఆర్ట్స్‌ ఆఫీసు దగ్గర ప్రశాంత్‌ నీల్‌ కనిపించేసరికి బన్నీతో ప్రశాంత్‌ నీల్‌ సినిమా అని లెక్కలేసేశారు. అయితే ప్రశాంత్‌ నీల్‌ లైనప్‌ చెప్పేసేసరికి.. ఈ సినిమా కూడా లేనట్లే అయ్యింది. అయితే ఇప్పటివరకు ఈ సినిమాలు లేవు. ప్రశాంత్‌ ఫ్యూచర్‌ ప్రాజెక్ట్స్‌లో బన్నీ, చరణ్‌ సినిమాలు ఉండొచ్చు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
