Varanasi Movie: రాజమౌళి- మహేష్..ల ‘వారణాసి’ వెనుక ప్రభాస్ హస్తం.. ఆసక్తికర విషయం చెప్పుకొచ్చిన పృథ్వీరాజ్ సుకుమారన్

దర్శకధీరుడు రాజమౌళి, సూపర్ స్టార్ మహేష్ బాబు కలయికలో రూపొందుతున్న గ్లోబ్ ట్రోటర్ మూవీ ‘వారణాసి’. ఈ సినిమా టైటిల్ లాంచ్ ఈవెంట్ ఈరోజు రామోజీ ఫిలింసిటీలో ఘనంగా జరిగింది. ఈ సినిమాలో పృథ్వీరాజ్ సుకుమారన్ కుంభ అనే పాత్ర పోషిస్తున్నాడు. అత్యంత క్రూరమైన విలన్ పాత్ర అది అని ఫస్ట్ లుక్ పోస్టర్ తోనే క్లారిటీ ఇచ్చేశారు. ఇక ‘వారాణసి’ టైటిల్ లాంచ్ కి విచ్చేసిన పృథ్వీరాజ్ సుకుమారన్.. ఇంట్రెస్టింగ్ స్పీచ్ ఇచ్చాడు.

Varanasi Movie

ఈ కథ వినడానికి ప్రభాస్ కూడా ఓ కారణం అన్నట్టు అతను చెప్పి ఆశ్చర్యపరిచాడు. పృథ్వీరాజ్ సుకుమారన్ మాట్లాడుతూ.. “25 ఏళ్లలో ఎన్నో సినిమాలు చేశాను.. కానీ ఇంతమంది లెజెండ్స్ తో ఈ సినిమా చేయడం నాకు చాలా ఆనందంగా ఉంది. నా పాత్రని పరిచయం చేసినందుకు కీరవాణి గారికి చాలా థాంక్స్. 2 ఏళ్ళ క్రితం నా డైరెక్షన్లో ఓ సినిమా చేస్తున్నప్పుడు రాజమౌళి నుండి ఓ మెసేజ్ వచ్చింది. ‘హాయ్ పృథ్వీ నా సినిమాల్లో ఓ స్ట్రాంగ్ విలన్ రోల్ ఉంది.

అది నీకు కరెక్ట్ గా సూట్ అవుతుంది అని భావించాను’ అని చెప్పారు. తర్వాత నా ఫ్రెండ్ ప్రభాస్.. చాలా బాగుంటుంది విను అని చెప్పారు. తర్వాత వెళ్లి రాజమౌళి గారిని కలిశాను. 5 నిమిషాల్లో ఆయన నెరేషన్ కి ఫ్లాట్ అయిపోయాను. నేను తెలుగులో చూసిన మొదటి సినిమా ‘పోకిరి’. మహేష్ బాబు సూపర్ స్టార్ అనే బిరుదుకి అర్హుడు. అలాగే ఈ కథ(గ్లోబ్ ట్రోటర్) కి నీలాంటి సూపర్ స్టార్ అవసరం” అంటూ చెప్పుకొచ్చాడు. సో పృథ్వీరాజ్ మహేష్- రాజమౌళి..ల ‘వారణాసి’ ప్రాజెక్టులోకి ఎంట్రీ ఇవ్వడం వెనుక ప్రభాస్ హస్తం కూడా ఉందన్న మాట.

మహేష్ బాబుని రాముడిగా చూస్తే గూజ్ బంప్స్ వచ్చాయి.. అతని నుండి అందరూ నేర్చుకోవాల్సిన గుణం అదే: రాజమౌళి