Priyanka Chopra: పదేళ్ల తర్వాత ఇప్పుడు చేస్తున్నాను: ప్రియాంక

కొండపైన ఉన్నవాడిని దిగువన ఉన్నవాళ్లు చూసి… ఏముందిలా ఈజీ అనుకుంటే అందుకే ఎక్కేశాడు అని అనుకుంటారు. అయితే ఆ కొండ ఎక్కడానికి అతను ఎంత కష్టం పడ్డాడో చాలా తక్కువ మందికే తెలిసుంటుంది. అందుకే ఏ ఒక్కరి ప్రయాణం సులభం కాదని గుర్తించాలి. ఇప్పుడిదంతా ఎందుకు అనుకుంటున్నారా? కొండెక్కడం, స్టార్‌ డమ్‌ తెచ్చుకోవడం రెండూ ఒక్కలానే ఉంటాయని మన పెద్దలు చెబుతుంటారు. అందులో ప్రపంచం మెచ్చిన స్టార్‌ అవ్వడం అంటే మామూలు విషయమా. అలాంటి నాయిక ప్రియాంక చోప్రా. ఆమె జీవితం గురించి ఇటీవల మాట్లాడింది.

దక్షిణాది నుంచి బాలీవుడ్‌కి వెళ్లి అదరగొట్టి… అక్కడి నుంచి హాలీవుడ్‌కి వెళ్లింది ప్రియాంక చోప్రా. అక్కడ కూడా తన టాలెంట్‌తో వావ్‌ అనిపించింది. అలా అంచెలంచెలుగా ఎదుగుతూ గ్లోబల్‌ స్టార్‌గా మారిపోయింది. వరుస హాలీవుడ్ ప్రాజెక్ట్‌లతో బిజీగా ఉంది. అయితే ఆమె సినిమా కెరీర్‌ ఇంత సాఫీగా మొదలవ్వనూ లేదు, ఇంత కూల్‌గా సాగనూ లేదు. ఆమె కెరీర్‌లో కూడా ఎన్నో ఆటుపోట్లు చూసింది. అందరూ నా విజయాల గురించే చెప్పుకుంటున్నారు. కానీ నేను ఎన్నో అపజయాలనూ చూశాను అని చెప్పింది ప్రియాంక.

ఓ సందర్భంలో నా సినిమాలను ఒక్కరూ చూడటానికి ముందుకు రాలేదు. పరాజయాలను ధైర్యంగా ఎదుర్కొని ఈ స్థాయికి వచ్చాను అని చెప్పడానికి గర్విస్తున్నాను. జీవితమనేది ఓ నిచ్చెన లాంటిది అంటాను నేను. ప్రతి మెట్టు ఎక్కుతూ ముందుకు సాగాలి. అలాగే గ్లామర్‌ పాత్రలకు మాత్రమే పరిమితం కాకుండా, పవర్‌ఫుల్‌ రోల్స్‌లో నటించాలి అని కెరీర్‌ తొలినాళ్ల నుండీ అనుకునేదాన్ని. అయితే పదేళ్ల కృషి తర్వాత ఇప్పుడు ఆ తరహా పాత్రల్లో నటిస్తున్నాను అంటూ చెప్పుకొచ్చింది ప్రియాంక.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!