‘నేను రియల్ గా చెబుతున్నా.. ఓపెన్ గా చెబుతున్నా..! ఆ రోజు ‘ఖలేజా’ (Khaleja) సినిమాని చంపేసింది మహేష్ బాబు (Mahesh Babu) అభిమానులే. వాళ్ళు ఏదో ఊహించుకుని థియేటర్ కి వెళ్లారు. కానీ మహేష్ బాబు కార్ డ్రైవ్ చేస్తే ‘తు..నీ అ*మ ఇలాంటి సినిమా తీస్తావా? నీకు సినిమా తీయడం వచ్చా? అని ఫుల్లుగా తాగేసి డైరెక్టర్ ని తిట్టారు.. నన్ను తిట్టారు. వాళ్లకి అర్థం కాలేదు సినిమా..! మమ్మల్ని తిట్టిన తిట్టు తిట్టకుండా తిట్టేశారు.
మిడ్ నైట్ షో ఇవ్వను అన్నాను ఆరోజు విజయవాడకి. కృష్ణ గారు పట్టుబట్టడం వల్ల ఇచ్చాను. సినిమా చూశాక తాగేసి నన్ను బూతులు తిట్టారు. వాళ్ళే మెసేజ్..లు పంపేసుకుని, వాళ్ళే అనేసుకుని.. సర్వ నాశనం చేసేశారు’ ఇవి ‘ఖలేజా’ రీ- రిలీజ్ వేడుకలో భాగంగా సి.కళ్యాణ్ (C Kalyan) చేసిన కామెంట్స్. అయినప్పటికీ దీనికంటే ముందు సి.కళ్యాణ్.. ‘అన్నీ కుదిరితే ‘ఖలేజా 2’ (Khaleja 2) సెట్ చేస్తాను. త్రివిక్రమ్ (Trivikram), మహేష్ బాబు..లను ఒప్పిస్తాను’ అంటూ చెప్పడం జరిగింది.
‘ఖలేజా 2’ (Khaleja 2) చేసే ఆలోచన ఉన్నప్పుడు సి.కళ్యాణ్ ఇలా ఫ్యాన్స్ ను విమర్శించడం ఎందుకు? ప్లాప్ సినిమాలు రీ- రిలీజ్ చేసినా వసూళ్లు వస్తున్నాయి. అంత మాత్రం చేత ‘ఖలేజా’ గొప్ప సినిమా అనడం పూర్తిగా కరెక్ట్ కాదనేది కొందరి వాదన. త్రివిక్రమ్- మహేష్ కొత్తగా ట్రై చేశారు. దానికి ‘ఖలేజా’ అనే టైటిల్ కాకుండా ‘దైవం మనుష్య రూపేణా’ అనే టైటిల్ పెట్టుంటే.. అందరూ సబ్జెక్ట్ కి.. ప్రిపేర్ అయ్యి థియేటర్లకు వెళ్లే వాళ్ళు. అలా కాకుండా ‘ఖలేజా’ అనే టైటిల్ పెట్టడం వల్ల.. అందులో మాస్ ఇంపాక్ట్ ఉంటుందేమో అని వాళ్ళు ఆశించారు.
ఫ్యాన్స్ ని మిస్ లీడ్ చేసింది మేకర్స్. ఇందులో ఎలాంటి సందేహం లేదు. సినిమాలో ఏం చూపించబోతున్నామో.. ఆడియన్స్ ని ‘ఖలేజా’ టీం ప్రిపేర్ చేయలేదు. 2010 అక్టోబర్ 7న సినిమా రిలీజ్ అయితే.. దానికి ముందు ట్రైలర్ వంటిది కూడా రిలీజ్ చేయలేదు. ఇవన్నీ టీం చేసిన తప్పులే. ఇప్పుడైతే ఆడియన్స్ ‘ఖలేజా’ ని థియేటర్లో చూడటానికి ప్రిపేర్ అయ్యి ఉన్నారు. ఈసారి సీక్వెల్ కనుక ప్లాన్ చేస్తే.. ఆడియన్స్ ని ప్రిపేర్ చేసే ఉద్దేశం ఉంటేనే చేయాలి. ‘ఖలేజా’ లా చేస్తే మాత్రం ఉపయోగం ఉండదు.
