తమన్ రెడీ అయిపోయాడు.. ఆ డేట్ ఫిక్స్..?

March 1, 2020 / 07:31 AM ISTByFilmy Focus

Join Us

పవర్ స్టార్ పవన్ కళ్యాణ్ రెండేళ్లుగా సినిమాలకి దూరంగా ఉంటూ వచ్చారు. ఎలక్షన్స్ ఉండడం అలాగే తన జనసేన పార్టీని బలోపేతం చేసే పనుల్లో బిజీగా ఉంటూ వచ్చారు. ఇక ఈ ఏడాది నుండీ గ్యాప్ లేకుండా సినిమాలు చేయడానికి రెడీ అయ్యారు. ఇందులో భాగంగా తన 26 వ చిత్రాన్ని బాలీవుడ్ ‘పింక్’ రీమేక్ గా చేస్తున్న సంగతి తెలిసిందే. వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు, బోణి కపూర్ లు కలిసి నిర్మిస్తున్నారు.

Title Fixed For PSPK27 Pawan Kalyan

ఇప్పటికే చాలా వరకూ షూటింగ్ పూర్తయ్యింది. మే రెండు లేదా మూడో వారంలో విడుదల చేయడానికి రెడీ అవుతున్నారు చిత్ర యూనిట్ సభ్యులు. ఇక తమన్ సంగీతమందిస్తున్న ఈ చిత్రం నుండీ ఫస్ట్ సింగిల్ ను మార్చి 8న విడుదల చేయబోతున్నారని సమాచారం. ఎంతో పవర్ఫుల్ గా ఉండే ఈ పాటకి రామజోగయ్య శాస్త్రి లిరిక్స్ అందించాడు. పవన్ ప్రతీ చిత్రంలోనూ మొదటి పాట ఎంతో పవర్ ఫుల్ గా .. సందేశాత్మకంగా ఉంటుందన్న సంగతి తెలిసిందే. ఇక ఈ చిత్రానికి ‘వకీల్ సాబ్’ టైటిల్ ను పరిశీలిస్తున్నారు.