పవన్ కళ్యాణ్ టైటిల్ అది కాదంటున్నారే

పవన్ కళ్యాణ్ 26వ చిత్రంగా హిందీ సూపర్ హిట్ మూవీ పింక్ రీమేక్ తెరకెక్కుతుంది. గత నెలలో ఈ చిత్ర రెగ్యులర్ షూటింగ్ మొదలైంది. హైదరాబాద్ లో వేసిన ప్రత్యేక సెట్ లో పవన్ కళ్యాణ్ పై కీలక సన్నివేశాలు చిత్రీకరిస్తున్నారు. కాగా ఈ చిత్రంలో పవన్ కళ్యాణ్ మధ్య వయస్కుడైన లాయర్ రోల్ చేస్తున్నారు. ఓ పెద్ద సమస్యలో ఇరుకున్న ముగ్గురు యువతులను ఓ లాయర్ చట్టబద్ధంగా రక్షించి, ఎలా సమస్యను నుండి బయటపడేశాడు అనేది ఈ చిత్ర కథాంశము.యువతుల జీవన శైలి పట్ల సామాజిక ధోరణి ఎలా ఉంటుంది, వారి అభిప్రాయాలకు ఇచ్చే గౌరవం ఎలాంటిది అనేది ఈ చిత్రంలో ప్రధానాంశంగా ఉంటుంది. పవన్ పై వచ్చే కోర్ట్ రూమ్ సన్నివేశాలు చాలా ఆసక్తికరంగా ఉంటాయని సమాచారం.

లాయర్ సాబ్ ఈ చిత్ర టైటిల్ అంటూ గత కొద్దిరోజులుగా ప్రచారం జరుగుతుంది. అదే టైటిల్ తో ఫ్యాన్స్ పోస్టర్స్ క్రియేట్ చేస్తూ సరదా తీర్చుకుంటున్నారు. ఐతే ఈ చిత్ర నిర్మాత దిల్ రాజు దీనిపై స్పష్టత ఇచ్చారు. జాను చిత్ర ప్రొమోషన్స్ లో పాల్గొంటున్న దిల్ రాజుని పవన్ మూవీ టైటిల్ గురించి అడుగగా, ఆయన అసలు విషయం చెప్పారు. లాయర్ సాబ్ అనే టైటిల్ మేము నిర్ణయించలేదు అని చెప్పారు. అలాగే ఇంత వరకు ఏ టైటిల్ అనుకోలేదని అని చెప్పారు. దీనితో ప్రచారం అవుతున్నట్లు లాయర్ సాబ్ పవన్ మూవీ టైటిల్ కాదని తేలిపోయింది. ఇక పవన్ కళ్యాణ్ దర్శకుడు క్రిష్ తెరకెక్కిస్తున్న పీరియాడిక్ మూవీ షూటింగ్ లో కూడా పాల్గొంటున్నారు. హరీష్ శంకర్ మూవీ ప్రీ ప్రొడక్షన్ పనులు జరుగుతున్నాయి.

Most Recommended Video

అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు