పూరి, అనిల్ రావిపూడిల ఇన్నర్ వాయిస్ అది..!

గత కొద్దిరోజులుగా పూరి జగన్నాథ్ డైరెక్షన్లో బాలకృష్ణ సినిమా ఉంటుంది… అనిల్ రావిపూడి డైరెక్షన్ లో బాలయ్య ఓ సినిమా చేస్తాడు అంటూ వార్తలు వస్తున్న సంగతి తెలిసిందే. ‘పైసా వసూల్’ చిత్రం ఫ్లాప్ అయినా ఆ చిత్రంలో బాలయ్యను ఎంతో ఎనర్జిటిక్ గా చూపించాడు బాలయ్య. అసలు ఆయన వయసు 60 ఏళ్ళు అంటే ఎవ్వరూ నమ్మరు. అంతలా ఆ పాత్ర ఉంటుంది. దాంతో బాలయ్య ఫ్యాన్స్ కూడా ఈ ప్రాజెక్ట్ సెట్ అయితే బాగుణ్ణు అంటూ కోరుకుంటున్నారు.

ఇలాగే మరో కాంబినేషన్ కోసం కూడా బాలయ్య ఫ్యాన్స్ ఆశగా ఎదురుచుస్తున్నారు. అదే అనిల్ రావిపూడి మరియు బాలయ్య కాంబినేషన్లో ఓ సినిమా రావాలనేది. అయితే ఇండస్ట్రీ ఇన్సైడ్ టాక్ ప్రకారం ఈ రెండు ప్రాజెక్ట్ లు ఉండవు అని తెలుస్తుంది. ‘ఇస్మార్ట్ శంకర్’ చిత్రంతో పూరి హిట్ అందుకుని మళ్ళీ ఫామ్లోకి వచ్చాడు. ఈ సారి కొడితే కుంభస్థలాన్నే కొట్టాలి అని అనుకుంటున్నాడు. ఆ ఆలోచనతోనే ఇప్పుడు విజయ్ దేవరకొండ తో పాన్ ఇండియా సినిమా చేస్తున్నాడు.

తరువాత పవన్ కోసం స్క్రిప్ట్ రెడీ చేసుకుంటున్నాడు. ఇక అనిల్ రావిపూడి కూడా ‘ఎఫ్ ౩’ స్క్రిప్ట్ రెడీ చేసుకుంటున్నాడు. దాని తర్వాత మహేష్ లేదా చరణ్ తో సినిమా ఉంటుంది. ఇలా పెద్ద హీరోలను టార్గెట్ చేసి మార్కెట్ పెంచుకోవాలి అనే ఈ డైరెక్టర్లు చూస్తున్నారట. కాబట్టి బాలయ్య తో సినిమా చేసే అవకాశం లేదట.

Most Recommended Video

దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు