విజయ్ దేవరకొండ తో బాలీవుడ్ ప్రయత్నాలట..!

చాన్నాళ్ళ తరువాత ‘ఇస్మార్ట్ శంకర్’ తో బ్లాక్ బస్టర్ కొట్టి బౌన్స్ బ్యాక్ అయ్యాడు డాషింగ్ డైరెక్టర్ పూరి జగన్నాథ్. ఈ చిత్రంలో హీరో రామ్ ను తెలంగాణ మాస్ కుర్రాడిగా చూపించి.. ఓ రేంజ్లో ప్రశంసలు అందుకున్నారు. ఇక ఇప్పుడు సెన్సేషనల్ హీరో విజయ్ దేవరకొండ ను పెట్టి ‘ఫైటర్’ అనే చిత్రాన్ని తెరకెక్కించడానికి రెడీ అవుతున్నాడు. ప్రస్తుతం ఈ చిత్రానికి సంబందించిన ప్రీ ప్రొడక్షన్ పనులు జరుగుతున్నాయి. అయితే మొదట ఈ చిత్రాన్ని తెలుగులో మాత్రమే తెరకెక్కించాలి అనుకున్న పూరి.. ఇప్పుడు మనసు మార్చుకున్నట్టు తెలుస్తుంది.

ఏకంగా ఈ చిత్రాన్ని పాన్ ఇండియా లెవెల్లో రూపొందించాలనే స్కెచ్ వేసాడట. ఇందులో భాగంగా హీరోయిన్ గా బాలీవుడ్ భామనే తీసుకోవాలని భావిస్తున్నాడట. ఇప్పటికే కైరా అద్వానీతో సంప్రదింపులు జరిపాడని సమాచారం. ఇక తాజా మరొక యంగ్ బ్యూటీ అనన్య పాండే ను కూడా కలిసి.. పూరి కథ వినిపించాడట. దీనికి ఈమె కూడా పాజిటివ్ గానే స్పందించినట్టు తెలుస్తుంది. ఈ ఇద్దరిలో ఎవరు ముందు ఓకే చెబితే వారిని ఫైనల్ చేసే పనిలో పూరి భావిస్తున్నాడట. ఇక బాలీవుడ్ అగ్ర నిర్మాత అయిన కరణ్ జొహార్ కూడా ఈ ప్రాజెక్ట్ లో భాగస్వామి అయ్యే అవకాశాలు ఉన్నాయని టాక్ నడుస్తుంది. మరి పూరి బాలీవుడ్ ప్రయత్నాలు ఎంతవరకూ ఫలిస్తాయో చూడాలి..!

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!