Pushpa 3: పుష్ప పార్ట్ 3 టైటిల్ సెట్ చేసిన సుకుమార్!

మరికొన్ని గంటల్లో పుష్ప 2 (Pushpa 2: The Rule) ప్రీమియర్ షోస్ మొదలవ్వనున్నాయి. దేశం మొత్తం “పుష్ప 2” కోసం వెయిట్ చేస్తోంది. ఆల్రెడీ 10 లక్షల టికెట్లు అమ్ముడయ్యాయని టీమ్ ఎనౌన్స్ చేసింది. మొదటిరోజే ఈ చిత్రం 300 కోట్ల రూపాయల దాకా వసూలు చేసే అవకాశం ఉందని తెలుస్తోంది. ఈ క్రమంలో పుష్ప2 కి సీక్వెల్ గా “పుష్ప 3” (Pushpa 3) ఉంటుందా లేదా అనే విషయంలో ఇప్పటివరకు మీమాంస ఉండింది. మొన్న చెర్రీ స్టేజ్ మీద పుష్ప3 ఉంటుంది అని కన్ఫర్మ్ చేసినా నిజం అయ్యుండదులే అనుకున్నారు జనాలు.

Pushpa 3

కట్ చేస్తే.. ఇవాళ సినిమాకి సౌండ్ మిక్సింగ్ వర్క్ చేసిన రెసూల్ పూకుట్టి వర్క్ కంప్లీట్ అయ్యిందంటూ పోస్ట్ చేసిన ఫోటో పార్ట్ 3 ని కన్ఫర్మ్ చేసాయి. పుష్ప పార్ట్ 1 – ది రైజ్(Pushpa) , పుష్ప పార్ట్ 2- ది రూల్, ఇప్పుడు పుష్ప పార్ట్ 3 – ది ర్యాంపేజ్ (Pushpa 3) అనే టైటిల్ కార్డ్ దర్శనమిచ్చేసరికి అల్లు అర్జున్ (Allu Arjun) ఫ్యాన్స్ ఫుల్ హ్యాపీ అయిపోయారు.

అయితే.. ఈ పార్ట్ 3 సెట్స్ మీదకు వెళ్ళడానికి కొన్నేళ్లు పట్టొచ్చు. ఎందుకంటే బన్నీ ఇమ్మీడియట్ గా త్రివిక్రమ్ (Trivikram) దర్శకత్వంలో సినిమా పూర్తి చేసుకొని ఆ తర్వాత సందీప్ రెడ్డి వంగా (Sandeep Reddy Vanga) సినిమా కంప్లీట్ చేసుకొని ఆ తర్వాత కానీ సుకుమార్ కి పార్ట్ 3 – ర్యాంపేజ్ కోసం డేట్స్ ఇవ్వలేడు.

ఈలోపు సుకుమార్ కూడా రామ్ చరణ్ తో (Ram Charan) ఎనౌన్స్ చేసిన సినిమా కంప్లీట్ చేసుకొని కాస్త గ్యాప్ తీసుకుంటాడని తెలుస్తోంది. ఏదేమైనా రిలీజ్ కి ఒకరోజు ముందే పార్ట్ 3 కూడా ఉంటుంది అనే విషయం సినిమాకి మంచి బూస్ట్ ఇచ్చింది. మరి పార్ట్ 3 కి సంబంధించి గ్లింప్స్ కానీ హుక్ పాయింట్ కానీ సుకుమార్ ఏమైనా వదిలాడా లేదా అనేది మాత్రం ప్రీమియర్ షోస్ పూర్తయ్యాక తెలుస్తుంది.

ఫస్ట్ డే రికార్డుల కోసం కొత్త వ్యూహాలు!