‘ఆహా’ ఓటిటి.. సరికొత్త కంటెంట్ తో ప్రేక్షకులను అలరిస్తున్న సంగతి తెలిసిందే. అన్ని వర్గాల ప్రేక్షకుల్ని దృష్టిలో పెట్టుకుని ప్రతీ వారం కొత్త కొత్త కంటెంట్ ను విడుదల చేస్తూ వస్తుంది ఈ డిజిటల్ ప్లాట్ ఫామ్. ‘ఆహా’ లో ఏదైనా మూవీ/వెబ్ సిరీస్ రిలీజ్ అవుతుంది అంటే అది కచ్చితంగా మంచి కంటెంట్ అయ్యుంటుంది అనే నమ్మకం ప్రేక్షకుల్లో పెరిగింది.తాజాగా వారి నుండీ ప్రేక్షకుల ముందుకు రాబోతున్న మూవీ ‘ఖుబూల్‌ హై’.
హైదరాబాద్‌ ఓల్డ్‌ సిటీలోని ఓ ప్రాంతంలో జరిగే బాల్య వివాహలకు కాస్త క్రైమ్ నేపథ్యాన్ని జోడించి ఆసక్తికరంగా తెరకెక్కించిన చిత్రమిది.ఈ మధ్యనే విడుదలైన టీజర్ కు మంచి రెస్పాన్స్ లభించింది. మార్చి 11న విడుదల కాబోతున్న ఈ మూవీకి సంబంధించి ట్రైలర్ ను కూడా విడుదల చేశారు. టీజర్ తో పోలిస్తే ఇందులో కాస్త డెప్త్ ఎక్కువగా ఉండడమే కాకుండా ఆసక్తిని రేకెత్తించిందనే చెప్పాలి. అరబ్‌ షేక్‌ల చేతుల్లో పడి నలిగిపోతున్న అమ్మాయిలు..
వారి దీనగాథలను కళ్ళకు కట్టినట్టు చూపిస్తూ ఈ ట్రైలర్ ను కట్ చేశారు. విమెన్ ట్రాఫికింగ్(మహిళల అక్రమ రవాణా) ను చాలా సినిమాల్లో చూపించారు కానీ.. ఇంత వివరంగా చూపించిన మూవీ ఇదే అవుతుందనే సంకేతాలను ట్రైలర్ కల్గించింది. ప్రణవ్‌ రెడ్డి దర్శకత్వం వహించిన ఈ మూవీలో మనోజ్ ముత్యం, వినయ్ వర్మ లు ముఖ్య పాత్రల్లో కనిపిస్తున్నారు. కార్తీక్ పర్మార్ సినిమాటోగ్రఫీ.. జెర్రీ సిల్వెస్టర్ విన్సెంట్ నేపథ్య సంగీతం కూడా ట్రైలర్ కు హైలెట్ గా నిలిచింది. ట్రైలర్ ను మీరు కూడా ఓసారి లుక్కేయండి :
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
