మహేష్ కోసం ఆయనతో రాజమౌళి బిజీ

ఆర్ ఆర్ ఆర్ షూటింగ్ ఇప్పట్లో లేనట్లే. రోజుకు కరోనా కేసులు వేలల్లో వస్తుండగా…ఆర్ ఆర్ ఆర్ షూటింగ్ నిర్వహణ అనేది ప్రమాదంతో కూడుకున్న పని. అందుకే రాజమౌళి అన్ని ఏర్పాట్లు చేసికుడా మళ్ళీ వెనక్కు తగ్గాడు. మరో కొన్ని నెలల సమయం ఆర్ ఆర్ ఆర్ షూటింగ్ కి పట్టేలా ఉండగా…రాజమౌళి మహేష్ మూవీపై ఫోకస్ పెట్టాడట. ఆర్ ఆర్ ఆర్ తరువాత మహేష్ తో మూవీ ఉంటుందని ప్రకటించిన రాజమౌళి కథ సిద్ధం చేయాలి అన్నారు.

అంటే మహేష్ రాజమౌళి కాంబినేషన్ లో మూవీ సెట్ అయినప్పటికీ…కథ మరియు స్క్రిప్ట్ సిద్ధం కాలేదు. మహేష్ మూవీ కథ గురించి అడిగితే వాళ్ళ నాన్నగారైన విజయేంద్ర ప్రసాద్ తో చర్చలు మొదలుపెట్టాలి అన్నారు. ఇక రాజమౌళికి కరోనా వైరస్ వలన మరింత సమయం దక్కింది. దీనితో తండ్రి విజయేంద్ర ప్రసాద్ తో కథా చర్చలలో కూర్చుంటున్నారట. విజయేంద్ర ప్రసాద్ వద్ద ఉన్న అనేక స్టోరీ లైన్స్ నుండి ఒకటి సెలెక్ట్ చేయనున్నాడు రాజమౌళి.

ఆ స్టోరీ లైన్,జోనర్ అనేది మహేష్ కి తగ్గట్టుగా ఉండేలా రాజమౌళి చూసుకుంటారట. ఐతే రాజమౌళి మహేష్ తో కాంటెంపరరీ సబ్జెక్టు తో పక్కా కమర్షియల్ సినిమా తీయాలనే ఆలోచనలో ఉన్నారట. వరుసగా మూడు పీరియాడిక్, ఎపిక్ చిత్రాలు తెరకెక్కించిన రాజమౌళి ఈ సారి కాంటెంపరరీ సబ్జెక్టు అయితే బెటర్ అనే ఆలోచనలో ఉన్నారట. అలా ఆర్ ఆర్ ఆర్ షూటింగ్ పక్కన పెట్టి మహేష్ కి కథను సిద్ధం చేసే పనిలో ఉన్నారట రాజమౌళి. ఇక ఆర్ ఆర్ ఆర్ షూటింగ్ మరింత ఆలస్యం అయేలా కనిపిస్తుండగా, విడుదల మరింత లేటవుతుందని ఫ్యాన్స్ దిగులు చెందుతున్నారు.

Most Recommended Video

ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!