టాలీవుడ్ దర్శక ధీరుడు ఎస్ ఎస్ రాజమౌళి గురించి ప్రత్యేకంగా చెప్పాల్సిన పనిలేదు. ఈయన కేవలం టాలీవుడ్ చిత్ర పరిశ్రమకు మాత్రమే కాకుండా ఏకంగా పాన్ ఇండియా స్థాయిలో ఎంతో అద్భుతమైన గుర్తింపు సంపాదించుకున్నారు. బాహుబలి చిత్రం ద్వారా ఎంతో మంచి గుర్తింపు సంపాదించుకున్న జక్కన్న దర్శకత్వంలో వచ్చే సినిమాల కోసం యావత్ దేశం మొత్తం ఎంతో ఆతృతగా ఎదురుచూస్తుంటారు. ఇలా ఆయన తీసే అత్యంత భారీ బడ్జెట్ చిత్రాలు ప్రేక్షకులను ఎంతో సందడి చేస్తాయని చెప్పవచ్చు.
ఇక భారీ బడ్జెట్ చిత్రాలను తెరకెక్కించే రాజమౌళి రెమ్యునరేషన్ కూడా అదే స్థాయిలో ఉంటుందని ప్రత్యేకంగా చెప్పాల్సిన పని లేదు. ఇదిలా ఉండగా రాజమౌళి సోషల్ మీడియా ద్వారా అభిమానులను ఒక సహాయం కోరారు. అయితే ఇలా సహాయం కోరిన రాజమౌళికి నెటిజన్ల నుంచి పెద్ద ఎత్తున వ్యతిరేకత ఏర్పడటం గమనార్హం. అసలు ఈ విధంగా రాజమౌళిని ఎందుకు ట్రోల్ చేస్తున్నారు అనే విషయానికి వస్తే…రాజమౌళి దర్శకత్వంలో తెరకెక్కిన బాహుబలి చిత్రం గురించి మనకు తెలిసిందే.
ఈ సినిమా పోస్ట్ ప్రొడక్షన్ పనులను ఎంతో సవ్యంగా చూసుకున్న దేవిక అనే మహిళ క్యాన్సర్ బారిన పడ్డారు. ఈ క్రమంలోనే తన వైద్య ఖర్చుల కోసం సహాయం చేయాలని రాజమౌళి సోషల్ మీడియా వేదికగా అభిమానులను కోరారు. దీంతో అభిమానులు పెద్ద ఎత్తున రాజమౌళిపై ఆగ్రహం వ్యక్తం చేస్తూ అతని పై సెటైర్లు వేస్తున్నారు. ఎంతో భారీ బడ్జెట్ చిత్రాలను నిర్మించే జక్కన్న అదేస్థాయిలో కోట్ల రెమ్యునరేషన్ తీసుకుంటారు. మీరు అనుకుంటే తనకు సహాయం చేయడం పెద్ద విషయం కాదు.
ఒకవేళ సహాయం అడిగిన ముందు మీరు సహాయం చేసి తర్వాత అందరిని సహాయం అడిగి ఉంటే బాగుండేది. ఇలా మీరు తీసుకునే రెమ్యూనరేషన్ తో తనకు ఆపరేషన్ చేయించడం పెద్ద కష్టమైన పని కాదు ఆవిడకు మీరే సహాయం చెయ్యొచ్చు కదా జక్కన్నా…అంటూ నెటిజన్లు తీవ్ర స్థాయిలో రాజమౌళి పై సెటైర్లు వేస్తూ కామెంట్ చేస్తున్నారు. మరి ఈ విషయం పై రాజమౌళి ఏవిధంగా స్పందిస్తారో తెలియాల్సి ఉంది.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
