‘జైలర్‌’ సినిమా ఇచ్చిన బ్లాక్‌బస్టర్‌ విజయం ఊపులో ఉన్న తలైవా రజనీకాంత్‌ కొత్త సినిమా షూటింగ్‌ను కూడా స్టార్ట్‌ చేసేశారు. మాస్‌ మసాలా సినిమాతో రూ. 600 కోట్ల+ విజయాన్ని అందుకున్న రజనీ… ఇప్పుడు చిన్నపాటి ప్రయోగమే చేస్తున్నారు నఅఇ చెప్పాలి. ‘జై భీమ్‌’ దర్శకుడు టి.జి. జ్ఞానవేల్‌ దర్శకత్వంలో కొత్త సినిమా చేస్తున్నారు. ప్రస్తుతం ఆ సినిమా షూటింగ్‌ స్పెషల్‌ ప్లేస్‌లో జరుగుతుండటం గమనార్హం. రజనీకాంత్‌కి స్పెషల్‌ ప్లేస్‌ అంటే ఎక్కువమందికి హిమాలయాలు అనే డౌట్‌ వస్తుంది.
కానీ కాదు. ప్రస్తుతం తమిళనాడులోని తిరునల్వేలిలో ఈ సినిమా చిత్రీకరణ జరిగుతోంది. సినిమా కోసం రూపొందించిన ప్రత్యేక సెట్స్‌లో కీలక సన్నివేశాలు చిత్రీకరిస్తున్నారు. ఈ పట్టణానికి రజనీకాంత్‌కి ఆసక్తికరమైన కనెక్షన్‌ ఉంది. ఆ విషయమే ఇప్పుడు సోషల్‌ మీడియాలో వైరల్ అవుతోంది. అంతగా ఆ ఊరుతో ఏం కనెక్షన్‌ ఉంది అనుకుంటున్నారా? రజనీకాంత్‌ 1977వ సంవత్సరంలో ముత్తురామన్‌ దర్శకత్వంలో రజనీకాంత్‌ (Rajinikanth) ‘భువన ఒరు కెల్వి కురి’ అనే సినిమాలో నటించారు.
ఆ సినిమా షూటింగ్‌ ఎక్కువ భాగం తిరునల్వేలి ప్రాంతంలోనే జరిగింది. ఆ తర్వాత రజనీ మళ్లీ ఇప్పటివరకు అక్కడ వెళ్లలేదట. అంటే 46 ఏళ్ల తర్వాత ఇప్పుడు తన 170వ సినిమా కోసం వచ్చాడు. దీంతో ఆ ప్రాంతంలో రజనీఫ్యాన్స్‌ ఆనందానికి హద్దులు లేవట. రోజూ సెట్‌ దగ్గరకు వచ్చి రజనీ కోసం వాళ్లు వెయిట్‌ చేస్తున్నారట. అంతేకాదు ఆ ప్రాంతంతో రజనీకి మరో కనెక్షన్‌ కూడా ఉందట. 1995లో వచ్చిన రజనీకాంత్‌ చిత్రం ‘ముత్తు’ ఈ ప్రాంతంలో రెండు థియేటర్లలో విడుదలైందట.
అంతేకాదు రెండు చోట్లా విజయవంతంగా వంద రోజులు పూర్తి చేసుకుందట. దీంతో ఈ ప్రాంతం రజనీకాంత్‌కు ప్రత్యేకమైనదేనని అంటున్నారు. కార్మికుల జీవితాల నేపథ్యంలో ఈ 170వ సినిమా రూపొందుతున్నట్లు సమాచారం. 2024 ఏప్రిల్‌లో సినిమాను విడుదల చేస్తారని సమాచారం. అన్నట్లు ఈ సినిమాలో మంజూ వారియర్‌, రితికా సింగ్‌, దుషారా విజయన్‌ హీరోయిన్స్‌ నటిస్తుండగా, అమితాబ్‌ బచ్చన్‌ ఫహాద్‌ ఫాజిల్‌, రానా కూడా నటిస్తున్నారు.
Look & Energy #SuperstarRajinikanth
Best look in recent years #Thalaivar170 pic.twitter.com/I1hxtTorCg
— Prakash Mahadevan (@PrakashMahadev) October 7, 2023
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
Home