Rajini – Kamal: రూమర్లకు.. ట్రోలర్లకు.. చోటు లేకుండా మొత్తం చెప్పేసిన రజనీకాంత్‌

రజనీకాంత్‌ – కమల్‌ హాసన్‌ కాంబినేషన్‌లో ఓ సినిమా రూపొందనున్న విషయం తెలిసిందే. అయితే అది హీరోలుగా. ఈ సినిమాకు ముందే మరో సినిమా కాంబినేషన్‌లో చేయనున్నారు. అదే రజనీ హీరోగా.. కమల్‌ నిర్మాతగా సినిమా. ఎన్నో ఏళ్ల తర్వాత వీరి కాంబోలో ఓ సినిమా అనౌన్స్‌ అయ్యేసరికి అభిమానులు తెగ సంబరపడిపోయారు. అయితే ఏమైందేమో ఏమో.. ఈ సినిమాకు చాలా అడ్డంకులు ఎదురయ్యాయి. ఫైనల్‌గా సినిమాను అధికారికంగా ప్రారంభించారు. ఈ మేరకు ఓ వీడియోను కూడా రిలీజ్‌ చేశారు.

Rajini – Kamal

ఈ సినిమా గురించి ఇప్పటివరకు చాలా పుకార్లు వచ్చాయి. కొన్ని కామెంట్లు, ట్రోలింగ్‌లు కూడా వచ్చాయి. సినిమా అసలు ఉంటుందో లేదో అనే డౌట్స్‌ వచ్చాయి. ఎంతమంది దర్శకులు వస్తున్నా సినిమా ముందుకెళ్లపోవడంతో ట్రోలింగ్‌లు కూడా జరిగాయి. వీటికి చెక్‌ పెడుతూ ఏం జరిగింది అనేది రజనీకాంత్‌ స్వయంగా వెల్లడించి వాటన్నింటికి చెక్‌ పెట్టేశారు. అసలు విషయం ముందు చూస్తే ఈ సినిమాకు ‘ధర్మన్‌’ అనే పేరు పెట్టారు. తెలుగులో ‘ధర్మ’ అని అంటారేమో చూడాలి. లేక అదే పేరు ఉంచేయొచ్చు కూడా. ఆ పంచాయితీ తర్వాత చూద్దాం.

ఈ ప్రాజెక్ట్‌కు అశ్వత్‌ మరిముత్తు నాలుగో దర్శకుడని రజనీకాంత్‌ స్వయంగా తెలిపారు. మొదట ఈ ప్రాజెక్ట్‌ను సీనియర్‌ దర్శకుడు రవి కుమార్‌తో చేయాలనుకున్నాం. కొన్ని కొన్ని కారణాల వల్ల కుదర్లేదు. తర్వాత సుందర్‌.సిని ఎంపిక చేశాం. ఈ మేరకు అనౌన్స్‌ చేశాం కూడా. కానీ ఆయనకు ఇతర ప్రాజెక్టులు ఉండడంతో ఈ సినిమా నుండి వైదొలిగారు. ఆ తర్వాత సిబి చక్రవర్తిని ఖరారు చేశాం. ఆయన ఓ కథ వినిపించారు. కానీ అది అంతగా నచ్చలేదు. దీంతో చివరకు అశ్వత్‌తో సినిమాను ఖరారు చేశాం అని చెప్పారు.

కమల్‌ హాసన్‌ మాట్లాడుతూ.. రజనీతో కెరీర్‌ ప్రారంభ రోజులను గుర్తుచేసుకున్నారు. ఒకప్పుడు ఏవీఎం స్టూడియోలోని వేప చెట్టు కింద కూర్చున్న ఇద్దరు యువకులు ఇంత దూరం ప్రయాణించడం గర్వంగా ఉంది. మేం విజయం సాధిస్తామని అనుకున్నాం. కానీ ఈ స్థాయిలో అగ్రకథానాయకులుగా మారతామని ఊహించలేదు అని నాటి రోజుల్ని గుర్తు చేసుకున్నారు.

₹200 కోట్లతో బాలకృష్ణ సినిమా… ఈ రోజు కొబ్బరికాయ కొట్టేశారు