Rakshit Atluri: ‘నరకాసుర’ డైరెక్టర్ పై హీరో రక్షిత్ అట్లూరి ఎమోషనల్ కామెంట్స్!

‘పలాస’ వంటి రా అండ్ రష్టిక్ మూవీతో ప్రేక్షకులను అలరించిన రక్షిత్ అట్లూరి అందరికీ సుపరిచితమే. దానికి ముందు ‘లండన్ బాబులు’ అనే సినిమాలో కూడా నటించాడు. ఆ సినిమాకు కూడా మంచి స్పందన లభించింది. అయితే కొంత గ్యాప్ తర్వాత ఇతను ‘నరకాసుర’ అనే మూవీతో ప్రేక్షకుల ముందుకు రాబోతున్నాడు. ఈ సినిమా టీజర్, ట్రైలర్ ఇటీవల రిలీజ్ అయ్యాయి. ‘ మా సినిమా కనుక మీకు నచ్చలేదు అని చెబితే..

మేము టికెట్ డబ్బులు మాత్రమే కాదు, మీ పాప్ కార్న్ డబ్బులు కూడా వెనక్కి ఇచ్చేస్తాము. అందులో ఎలాంటి డౌట్ లేదు ‘ అంటూ హీరో రక్షిత్ అట్లూరి ట్రైలర్ లాంచ్ లో ధీమాగా చెప్పి హాట్ టాపిక్ అయ్యాడు. ఇక ఈ చిత్రం ప్రమోషన్స్ లో అతను చేసిన కామెంట్స్ ఇప్పుడు హాట్ టాపిక్ అయ్యాయి. ముఖ్యంగా ‘నరకాసుర’ చిత్రం దర్శకుడైన సెబాస్టియన్.. ఈ సినిమా షూటింగ్ టైంలో ప్రమాదవశాత్తు తన కుడి చెయ్యి పోగొట్టుకున్నాడు.

ఈ విషయం పై (Rakshit Atluri) రక్షిత్ అట్లూరి మాట్లాడుతూ.. ” ‘నరకాసుర’ షూటింగ్ ను కేరళ, తమిళనాడు వంటి ఏరియాల్లో షూట్ చేసాము. ఓసారి మేము షూటింగ్ ముగించుకుని కారులో వస్తున్నాము. మా డైరెక్టర్ సెబాస్టియన్ కి కారులో ఉన్నప్పటికీ చేతులు అద్దం బయట పెట్టుకోవడం అలవాటు. ఆ రోజు కూడా అలాగే ఆయన తన కుడి చెయ్యి బయట పెట్టుకుని పడుకున్నాడు. ప్రమాదవశాత్తు అటు వైపు వస్తున్న వాహనం ఇతని కుడి చెయ్యిని పట్టుకుపోయింది.

అయినప్పటికీ అతను ఈ సినిమాని ఆపేయలేదు. నేను కూడా 3 ఏళ్లుగా ఈ సినిమాని ఎలాగైనా కంప్లీట్ చేయాలని ధృడ సంకల్పంతో పూర్తి చేశాను. మా దర్శకుడు ఎంతో మందికి స్ఫూర్తి. ఆయన తన కుడి చెయ్యి పోయినా కృంగిపోలేదు. అసలు ఈ విషయంపై ఆయన ఎక్కడా కూడా మాట్లాడాలని అనుకోవడం లేదు” అంటూ ఎమోషనల్ గా చెప్పుకొచ్చాడు.

‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!

‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!