Rakul Preet: నటించడమే కాదు… ఏడవడమూ కష్టమే సుమా!

July 25, 2021 / 03:01 PM ISTByFilmy Focus

Join Us

Rakul Preet: నటించడమే కాదు… ఏడవడమూ కష్టమే సుమా!

సినిమాల్లో ఏడుపు సన్నివేశాల్లో నటించడం అంత సులభం కాదు. లేని నవ్వును తెచ్చుకుని నవ్వొచ్చు కానీ లేని ఏడుపును తెచ్చుకొని ఏడవడం అంత సాధ్యం కాదు. అలాంటిది నటించి… ఆ తర్వాత దానికి తగ్గట్టుగా డబ్బింగ్‌లో ఏడ్వడం కూడా అంత సులభం కాదు. కానీ ఈ రెండూ చేసింది రకుల్‌ ప్రీత్‌సింగ్‌. ఆ మాటకొస్తే చాలామంది నటులు గతంలోనూ చేశారు, చేస్తున్నారు, చేశారు కూడా. అయితే తాజాగా రకుల్‌ వీడియో వైరల్‌ అయ్యింది.

ఏంటి… రకుల్‌ నిజంగానే వెక్కి వెక్కి ఏడుస్తోందా అనేలా ఆ వీడియోలో రకుల్‌ ఏడ్చింది మరి. కావాలంటే దిగువ ఇన్‌స్టాగ్రామ్‌ పోస్ట్‌ చూడండి మీకే తెలుస్తుంది. రకుల్‌ ప్రస్తుతం ‘అటాక్‌’ అనే బాలీవుడ్‌ సినిమాలో నటిస్తోంది. ఈ సినిమాకు సంబంధించి తాజాగా డబ్బింగ్‌ పనులు మొదలయ్యాయి. అందులో వెక్కి వెక్కి ఏడ్చే సన్నివేశం ఒకటి ఉన్నట్లుంది. దాని కోసమే రకుల్‌ డబ్బింగ్‌లో అలా చేసింది. ఆ సమయంలో తీసిన వీడియోను షేర్‌ చేసింది.

ఇక రకుల్‌ సినిమాల గురించి చూస్తే… తెలుగు, హిందీ, తమిళ భాషల్లో అరడజనుకు పైగా సినిమాల్లో నటిస్తోంది. తెలుగులోనూ క్రిష్‌ దర్శకత్వంలో ఓ సినిమాలో ఆమె నటించింది. దీంతో పాటు కమల్‌ హాసన్‌ హీరోగా శంకర్‌ దర్శకత్వంలో వస్తున్న చిత్రం ‘ఇండియన్‌2’లోనూ రకుల్‌ సందడి చేస్తోంది. బాలీవుడ్‌ ‘మేడే’లో ఆమె కీలకపాత్ర పోషిస్తోంది. ఆ సినిమాను అజయ్‌దేవ్‌గణ్‌ రూపొందిస్తున్నారు. అందులో అమితాబ్‌ బచ్చన్‌, అజయ్‌దేవ్‌గణ్‌, రకుల్‌ కనిపించనున్నారు. ‘అటాక్‌’ ఆగస్టు 13న విడుదలవుతుంది.