అలాంటి బయోపిక్ చిత్రంలో నటించాలని ఉంది.. మనసులో మాట చెప్పిన రకుల్?

July 28, 2022 / 05:07 PM ISTByFilmy Focus

Join Us

అలాంటి బయోపిక్ చిత్రంలో నటించాలని ఉంది.. మనసులో మాట చెప్పిన రకుల్?

టాలీవుడ్ ఇండస్ట్రీలో అతి తక్కువ సమయంలోనే ఎన్నో అద్భుతమైన సినిమాలలో నటించి నటిగా మంచి గుర్తింపు సంపాదించుకున్న రకుల్ అనంతరం తమిళ సినిమాలు చేస్తూ దక్షిణాది సినీ ఇండస్ట్రీలో తెలుగు తమిళ భాషలలో నటిస్తూ అగ్రతారగా ఎంతో గుర్తింపు పొందారు.ఇలా సౌత్ ఇండస్ట్రీలో విభిన్నమైన పాత్రలలో నటిస్తూ ఎంతో మంచి గుర్తింపు సంపాదించుకున్న ఈ ముద్దుగుమ్మకు బాలీవుడ్ అవకాశాలు కూడా వచ్చాయి. ఈ క్రమంలోనే బాలీవుడ్ ఇండస్ట్రీలో అగ్ర హీరోలందరి సరసన ఎన్నో అద్భుతమైన సినిమాలలో నటించిన రకుల్ ప్రీతిసింగ్ చివరిగా అజయ్ దేవగన్ తెరకెక్కించిన రన్ వే 34 చిత్రంలో సందడి చేశారు.

ఇక తెలుగులో ఇప్పటివరకు ఈమె ఎలాంటి సినిమాలకు గ్రీన్ సిగ్నల్ ఇవ్వలేదు. తాజాగా ఒక ఆంగ్లపత్రికకు ఇచ్చిన ఇంటర్వ్యూలో భాగంగా రకుల్ ప్రీతిసింగ్ సినిమాల గురించి పలు ఆసక్తికరమైన విషయాలను వెల్లడించారు. ఈ సందర్భంగా ఈమె మాట్లాడుతూ తను తెలుగులో ఇప్పటివరకు ఎన్నో వైవిధ్యభరితమైన పాత్రలలో నటించాను. అయితే తనకు జీవితంలో ఎంతో గొప్పగా చెప్పుకొనే వారి బయోపిక్ చిత్రంలో నటించాలని ఉంది అంటూ ఈ సందర్భంగా తన మనసులో ఉన్న కోరికను బయటపెట్టారు.

ఇలాంటి బయోపిక్ చిత్రాలతో పాటు అవుట్ అండ్ అవుట్ లవ్ స్టోరీ సినిమాలు చేయడానికి కూడా తాను ఇష్టపడతానని రకుల్ ఈ సందర్భంగా వెల్లడించారు. దిల్ వాలే దుల్హానియా లేజాయింగే వంటి అందమైన ప్రేమకథలో నటించాలనుకుంటున్నాను. ఎక్కువగా లవ్ స్టోరీస్, బయోపిక్స్ చిత్రాలలో చేయడానికి ఆసక్తిగా ఉన్నానని

ఇలాంటి అవకాశం కోసమే తాను ఎదురుచూస్తున్నానని ఇంటర్వ్యూ సందర్భంగా రకుల్ ప్రీత్ సింగ్ తన మనసులో ఉన్న కోరికలను వెల్లడించారు. మరి ఈమెకు అలాంటి సినిమా అవకాశాలు ఎప్పుడు వస్తాయో, తన కోరిక ఎప్పుడు నెరవేరుతుందో వేచి చూడాలి.