విశాల్ ను వదిలేసి కార్తీతో జత కడుతోంది!

ప్రస్తుతం టాలీవుడ్ లో బిజీయస్ట్ హీరోయిన్ ఎవరా అని ఆలోచిస్తే మెదడులోకి వచ్చే మొదటి పేరు “రకుల్ ప్రీత్ సింగ్”. మొన్నటివరకూ జయాపజయాలతో సంబంధం లేకుండా దూసుకుపోయిన ఈ చిన్నది ఇప్పుడు వరుస విజయాలతో దూకుడు ప్రదర్శిస్తోంది. “నాన్నకు ప్రేమతో, సరైనోడు, ధృవ” చిత్రాలు సూపర్ హిట్లుగా నిలవడం, సదరు విజయాల్లో రకుల్ ప్రీత్ ఉదారంగా ఆరబోసిన అందాలతోపాటు ఆమె నటన కూడా కీలకపాత్ర పోషించడంతో రకుల్ రేంజ్ ఇంకాస్త పెరిగింది.అమ్మడికి ఇప్పుడు కోలీవుడ్ అవకాశాలు కూడా వెల్లువెత్తుతున్నాయి. మొన్నామధ్య విశాల్ సరసన మిస్కిన్ దర్శకత్వంలో నటించే అవకాశం వచ్చినప్పటికీ.. డేట్స్ ఎడ్జెస్ట్ కాకపోవడంతో ఆ ప్రొజెక్ట్ నుంచి తప్పుకొంది రకుల్. అయితే.. ఇప్పుడు మరో తమిళ సినిమా ఆఫర్ ఆమెకు లభించిందని తెలుస్తోంది.

“కాష్మోరా”తో సూపర్ సక్సెస్ సొంతం చేసుకొని మాంచి ఊపుమీదున్న కార్తీ మరో కొత్త దర్శకుడికి అవకాశం ఇస్తూ ఇంకో ప్రయోగాత్మక చిత్రంలో నటించడానికి సన్నద్ధమవుతున్నాడు. ఈ చిత్రంలో హీరోయిన్ గా రకుల్ ప్రీత్ ను కన్ఫర్మ్ చేశారని, త్వరలోనే అఫీషియల్ స్టేట్ మెంట్ వెలువడే అవకాశాలున్నాయని తెలుస్తోంది. ఇక కార్తీ సరసన నటించిందంటే.. నెక్స్ట్ సూర్యతో సినిమా ఆల్మోస్ట్ ఒకే అయిపోయినట్లే కాబట్టి.. రకుల్ చెన్నైలోనూ తన జెండా పాతడానికి సన్నద్ధమవుతున్నదన్నమాట!

Also, do SUBSCRIBE to our YouTube channel to get latest Tollywood updates.