మెగాస్టార్ చిరంజీవి కెరీర్ మొదల్లో సూపర్ హిట్ గా నిలిచిన విజేత టైటిల్ తో.. అతని చిన్న అల్లుడు కళ్యాణ్ దేవ్ సినిమా చేశారు. రాకేష్ శ‌శి దర్శకత్వం వహించిన సినిమా నిన్న రిలీజ్ అయి హిట్ టాక్ సొంతం చేసుకుంది. వారాహి చలన చిత్ర బ్యానర్లో సాయి కొర్రపాటి నిర్మించిన ఈ మూవీ కళ్యాణ్ దేవ్ కి మంచి ఎంట్రీని ఇచ్చింది. తన నటనతో యూత్ ని మాత్రమే కాదు ఫ్యామిలీ ఆడియన్స్ ను ఆకట్టుకొని తొలి విజయాన్ని కైవశం చేసుకున్నారు. నిన్ననే ఈ సినిమాని చూసిన మెగాస్టార్ చిరంజీవి.. అల్లుడి నటన పట్ల సంతోషాన్ని .. సంతృప్తిని వ్యక్తం చేశారు. తాజాగా ఈ సినిమాని చూసిన రామ్ చరణ్ తేజ్.. కళ్యాణ్ దేవ్ నటనపై అభినందనలు కురిపించారు.
పూల్ బొకే ఇచ్చి శుభాకాంక్షలు చెప్పారు. దీంతో చరణ్ కి కళ్యాణ్ దేవ్ థాంక్స్ చెప్పారు. విజేతతో సింపుల్ గా వచ్చిన కళ్యాణ్ దేవ్.. ఈసారి భారీ యాక్షన్ తో రావడానికి ట్రై చేస్తున్నారు. మెగా హీరోగాలకు సూపర్ హిట్ ఇచ్చిన హరీష్ శంకర్ దర్శకత్వంలో నటించడానికి సిద్ధమవుతున్నారు. కళ్యా దేవ్ కి గబ్బర్ సింగ్ లాంటి కథని హరీష్ శంకర్ సిద్ధం చేస్తున్నారు. స్క్రిప్ట్ పూర్తికాగానే మూవీ వివరాలను అధికారికంగా ప్రకటించనున్నారు.
