అమేజింగ్ లుక్ తో రామ్ చరణ్

మెగా పవర్ స్టార్ రామ్ చరణ్ తేజ్ అమేజింగ్ లుక్ తో అదరగొట్టారు. గీతా ఆర్ట్స్ బ్యానర్లో సురేందర్ రెడ్డి దర్శకత్వంలో రూపుదిద్దుకుంటున్న “ధృవ” సినిమా హైదరాబాద్ లో రెండో షెడ్యూల్ పూర్తి చేసుకుంది.ఈ సందర్భంగా సురేందర్ రెడ్డి తన ఫేస్ బుక్ ఖాతాలో రామ్ చరణ్ తేజ్ ఉన్న పోస్టర్ ను రిలీజ్ చేసారు. అందులో కేవలం హీరో ఫేస్ మాత్రమే కనిపిస్తున్నా.. కొన్ని మాథ్స్ కు సంబంధించిన సూత్రాలను రాసి ఉంది. ఈ చిత్రంలో ట్రైనీ ఐపీఎస్ అధికారిగా రామ్ చరణ్ అథ్లెట్ బాడీతో కనిపించనున్న సంగతి తెలిసిందే. పోలీస్ కి ఈ లెక్కలకి సంభందం ఏమిటో అనే ప్రశ్నకు ఈ పోస్టర్ తెర లేపింది. అయినా ఈ పోస్టర్ రామ్ చరణ్ అభిమానులకు బాగా నచ్చింది.

డైరక్టర్ ఈ పోస్టర్ తో పాటు “రామ్ చరణ్ తో పని చేయడం ఎంతో బాగుంది. అతను సెట్ లో టీం మొత్తాన్ని ఫుల్ ఎనర్జీ టిక్ గా ఉండేలా నడుచుకున్నారు. విజయవంతంగా “ధృవ” సెకెండ్ షెడ్యూల్ పూర్తి చేసాం. టీం మొత్తం తర్వాత షూటింగ్ కోసం కాశ్మీర్ వెళ్లనున్నాం” అని పోస్ట్ చేసారు. తమిళ్ హిట్ సినిమా “తనీ వరువన్” కు రీమేక్ అయిన ఈ చిత్రంలో అరవింద్ స్వామీ ప్రతి కథానాయకుడిగా చేస్తున్నాడు. రకుల్ ప్రీతీ సింగ్ మరోసారీ రామ్ చరణ్ తేజ్ పక్కన హీరోయిన్ గా నటిస్తోంది.