టాలీవుడ్ ప్రముఖ ప్రొడ్యూసర్లలో ఒకరైన దిల్ రాజు ఒకవైపు నిర్మాతగా, మరోవైపు డిస్ట్రిబ్యూటర్ గా విజయాలను అందుకుంటున్నారు. పలు సినిమాలు నిర్మాతగా దిల్ రాజుకు షాక్ ఇస్తున్నా ఇతర సినిమాలతో దిల్ రాజు కళ్లు చెదిరే స్థాయిలో లాభాలను సొంతం చేసుకుంటున్నారు. ప్రస్తుతం దిల్ రాజు చరణ్ శంకర్ కాంబో మూవీతో పాటు విజయ్ వంశీ పైడిపల్లి కాంబో మూవీని సైతం నిర్మిస్తున్న సంగతి తెలిసిందే. అయితే ప్రస్తుతం దిల్ రాజు పేరు ట్విట్టర్ లో ట్రెండింగ్ లో ఉండటం గమనార్హం.
దిల్ రాజు గారు మా బాధ వినండి అంటూ రామ్ చరణ్ అభిమానులు దిల్ రాజుకు చుక్కలు చూపిస్తున్నారు. ఒక్కరోజు ఏకంగా 36 వేల ట్వీట్లు చేసి చరణ్ శంకర్ కాంబో మూవీకి సంబంధించిన అప్ డేట్ కావాలని ఫ్యాన్స్ కోరుతున్నారు. ఈ మధ్య కాలంలో చరణ్ శంకర్ కాంబో మూవీకి సంబంధించి పలు వార్తలు సోషల్ మీడియాలో తెగ వైరల్ అయ్యాయి. అయితే వైరల్ అయిన వార్తలు నిజమో కాదో అధికారికంగా క్లారిటీ రాలేదు.
ఈ ఏడాది విడుదలైన సినిమాలలో ఆర్ఆర్ఆర్ మూవీ చరణ్ అభిమానుల సంతోషానికి కారణమైతే ఆచార్య మూవీ చరణ్ అభిమానులను నిరాశకు గురి చేసింది. మరోవైపు ఇండిపెండెన్స్ డే సందర్భంగా పలువురు స్టార్ హీరోల సినిమాలకు సంబంధించిన అప్ డేట్స్ వస్తుండటంతో చరణ్ శంకర్ కాంబో మూవీ అప్డేట్ కావాలని ఫ్యాన్స్ కోరుకుంటున్నారు.
భారీ క్యాస్టింగ్ తో ఈ సినిమా తెరకెక్కుతుండగా చరణ్ కు జోడీగా ఈ సినిమాలో కియారా అద్వానీ నటిస్తున్నారు. పవర్ ఫుల్ కాన్సెప్ట్ తో ఈ సినిమా తెరకెక్కుతుండగా బాక్సాఫీస్ వద్ద ఈ సినిమా ఎలాంటి ఫలితాన్ని అందుకుంటుందో చూడాల్సి ఉంది. వచ్చే ఏడాది సమ్మర్ కానుకగా ఈ సినిమా థియేటర్లలో విడుదలయ్యే అవకాశాలు అయితే ఉన్నాయని వార్తలు ప్రచారంలోకి వస్తున్నాయి.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home