ఎన్టీఆర్ మెచ్చిన దారిలో వెళ్తున్న రామ్ చరణ్

నందమూరి, మెగా హీరోల మధ్య వృత్తిపరమైన పోటీ ఉంటుంది. ఒకరి రికార్డులు మరొకరు బద్దలకొట్టేందుకు కష్టపడుతుంటారు. విభిన్నంగా ఆలోచిస్తుంటారు. విజయం కోసం ఇరువురు వేసే అడుగులు కొన్ని సార్లు కలుస్తుంటాయి. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ విషయంలో అదే జరిగింది. చెర్రీ తీసుకున్న నిర్ణయాన్ని గమనిస్తే తారక్ ని ఫాలో అవుతున్నట్లు అనిపిస్తోంది. అదేమిటంటే..  ఎన్టీఆర్ వ‌రుస ప్లాపుల త‌ర్వాత టెంప‌ర్‌తో హిట్ కొట్టగానే క్రియేటివ్ డైరక్టర్ సుకుమార్ ని ఎంచుకున్నారు. ఆయన దర్శకత్వంలో “నాన్న‌కు ప్రేమ‌తో” వంటి క్లాస్ మూవీ చేశారు. మరో హిట్ అందుకున్నారు.

రామ్ చరణ్ కూడా వ‌రుస ప్లాపుల త‌ర్వాత ధృవ‌తో హిట్ కొట్టగానే సుకుమార్ తో కలిసి పయనించేందుకు సిద్ధమయ్యారు. మరో ఆసక్తికర విషయం ఏమిటంటే ఇది క్లాస్ ఆడియన్స్ ని ఆకట్టుకునే కథ అని తెలిసింది. ఇలా కెరీర్ లో తన తర్వాతి కథ, డైరక్టర్ విషయంలో ఎన్టీఆర్ ని చెర్రీ అనుసరిస్తున్నట్లు అర్ధమవుతోంది. అంతేకాదు టెంపర్ లో యంగ్ టైగర్ సిక్స్ ప్యాక్ తో కనిపిస్తే, ధృవలో అదే లుక్ తో చరణ్ ఆకట్టుకున్నారు. ఇప్పుడు హీరోయిన్ విషయంలోనూ ఎన్టీఆర్ బాటలోనే వెళ్తున్నారు. బాబీ దర్శకత్వంలో ఎన్టీఆర్ చేస్తున్న ప్రస్తుత సినిమాలో అనుపమ పరమేశ్వరన్ ఓ హీరోయిన్‌గా న‌టిస్తోంది. ఆ..ఆ, ప్రేమమ్ లో ఆకట్టుకున్న ఆమెనే చరణ్ తన సినిమాలో తీసుకున్నట్లు సమాచారం.

Also, do SUBSCRIBE to our YouTube channel to get latest Tollywood updates.