అఖిల్ – సురేందర్ రెడ్డి ప్రాజెక్టు కు ప్రీ ప్రొడక్షన్ పనులు చక్కపెడుతున్న చరణ్..!

మెగా ఫ్యామిలీకి అక్కినేని ఫ్యామిలీకి ఉన్న అనుబంధం గురించి ప్రత్యేకంగా చెప్పనవసరం లేదు. చిరంజీవి – నాగార్జున ల సన్నిహిత్యం ఎలాంటిదో ఇప్పటికే చాలా సందర్భంలో మనం చూస్తూనే వచ్చాము. అలాగే చరణ్ – అఖిల్ లు కూడా చాలా క్లోజ్ గా ఉంటుంటారు. చరణ్ ను అఖిల్.. పెద్ద అన్న అని పిలుస్తుంటాడని ‘హలో’ ప్రీ రిలీజ్ వేడుకలో నాగార్జున తెలిపిన సంగతి తెలిసిందే. అంతేకాదు ‘ధృవ’ షూటింగ్ స్పాట్లో అఖిల్ చేసిన సందడి అంతా ఇంతా కాదు.

సరే ఇదంతా పక్కన పెట్టేస్తే.. ఇప్పుడు అఖిల్ ను స్టార్ హీరోని చేసే బాధ్యత మొత్తం చరణే తీసుకున్నట్టు టాక్ వినిపిస్తుంది. ‘మోస్ట్ ఎలిజబుల్ బ్యాచిలర్’ చిత్రం తరువాత.. సురేందర్ రెడ్డి డైరెక్షన్లో అఖిల్ నటించబోతున్న సంగతి తెలిసిందే. ఈ ప్రాజెక్టుని ‘ఎ.కె.ఎంటర్టైన్మెంట్స్’ బ్యానర్ పై అనిల్ సుంకర నిర్మించనున్నాడు. అయితే ఈ కాంబినేషన్ ను సెట్ చేసిందే చరణ్ అని టాక్. అంతేకాదు స్పై థ్రిల్లర్ గా తెరకెక్కనున్న ఈ చిత్రానికి హీరోయిన్ గా పూజా హెగ్డే లేదా రష్మికలను తీసుకోవాలని చరణ్ సూచిస్తున్నాడట.

అంతేకాదు సంగీత దర్శకుడిగా తమన్ ను ఎంపిక చేసుకోమని కూడా చరణ్ కోరుతున్నట్టు తెలుస్తుంది. ఏదేమైనా ‘అఖిల్ 5’ విషయంలో చరణ్ ఇన్వాల్వ్మెంట్ ఎక్కువయ్యిందనే కామెంట్స్ కూడా వినిపిస్తున్నాయి.

Most Recommended Video

బిగ్‌బాస్ 4 కంటెస్టెంట్స్ గురించి మీకు తెలియని ఆసక్తికరమైన విషయాలు!
బిగ్‌బాస్‌ 4 హైలెట్స్: బిగ్‌బాస్‌ ఇలా రోజూ అయితే కష్టమే!
బిగ్‌బాస్‌ 4: ఇంట్లో వాళ్లు ఒకరు… బయటి నుంచి ముగ్గురట!