టాలీవుడ్ లో సమంత-చైతుల జంటకి చాలా మంది ఫ్యాన్స్ ఉండేవారు. బెస్ట్ కపుల్ గా గుర్తింపు తెచ్చుకున్న వీరి విడాకులు తీసుకుంటున్నట్లు ప్రకటించి షాకిచ్చారు. ఎంతో అన్యోన్యంగా ఉండే ఈ జంట అసలు విడాకులు ఎందుకు తీసుకుందనే విషయం చాలా మందిలో మెదిలే ప్రశ్న. అయితే ఇప్పటివరకు ఈ విషయంపై ఎవరూ క్లారిటీ ఇవ్వలేదు. దాదాపు నాలుగేళ్లు కలిసి ఉన్న ఈ జంట ఈ ఏడాది అక్టోబర్ 2న విడాకులు తీసుకోబోతున్నట్లు సోషల్ మీడియా వేదికగా ప్రకటించారు.
ఈ విషయంలో అందరూ సమంతనే బ్లేమ్ చేశారు. ఆమెని దారుణంగా ట్రోల్ చేశారు. అయినప్పటికీ.. సామ్ స్ట్రాంగ్ గా ఉంటూ ఈ పరిస్థితిని డీల్ చేస్తోంది. డివోర్స్ తరువాత తన కెరీర్ పై మరింత శ్రద్ధ పెట్టింది. తెలుగుతో పాటు బాలీవుడ్ లో కూడా పలు సినిమాలు ఓకే చేస్తోంది. అలానే ఓ హాలీవుడ్ సినిమా కూడా ఒప్పుకుంది. రీసెంట్ గా ‘పుష్ప’ సినిమాలో ఐటెం సాంగ్ లో కనిపించిన ఈ బ్యూటీ ప్రస్తుతం ‘యశోద’ అనే లేడీ ఓరియెంటెడ్ సినిమాలో నటిస్తోంది.
ఇదిలా ఉండగా.. తాజాగా స్టార్ హీరో రామ్ చరణ్.. సమంతను ఉద్దేశిస్తూ చేసిన కామెంట్స్ ఇప్పుడు వైరల్ అవుతున్నాయి. ‘ఆర్ఆర్ఆర్’ సినిమా ప్రమోషన్స్ లో భాగంగా రాజమౌళి, రామ్ చరణ్, ఎన్టీఆర్ కలిసి ఓ ఇంటర్వ్యూలో పాల్గొన్నారు. ఈ క్రమంలో రామ్ చరణ్ ను కొన్ని రాపిడ్ ఫైర్ క్వశ్చన్స్ అడిగారు.
సమంత గురించి చరణ్ ని అడిగినప్పుడు ‘కమ్ బ్యాక్.. బిగ్గర్.. స్ట్రాంగర్’ అని సమాధానం చెప్పాడు. ఈ మాటలు విన్న సామ్ చాలా సంతోషపడింది. వెంటనే ఆ వీడియోను సోషల్ మీడియా వేదికగా షేర్ చేస్తూ.. లవ్ సింబల్స్ ను క్యాప్షన్ గా పెట్టింది.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
